JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kompañia Raios Camanasa simu ona pedidu Governu halo kaixaun 92 ba kazu mortál COVID-19

Kompañia Raios Camanasa simu ona pedidu Governu halo kaixaun 92 ba kazu mortál COVID-19

Empreza Raios de Camanasa Unipessoal, Lda. simu ona pedidu hosi Ministériu Solidariedade Sosiál no Inkluzaun (MSSI) hodi prepara kaixaun antesipada, ba kazu mortal COVID-19 iha Timor Leste.

Jestór Empreza Raios Camanasa Unipessoal Lda. hateten, empreza kumpri pedidu Governu, no prepara ona kaixaun 92, ho medida naruk metru 1 séntimu 80, no luan séntimu 65.

“Ami husi kompañia Raios de Camanasa ami simu ona pedidu husi Governu hodi halo kaixaun ba mate tanba COVID-19, ami simu pedidu ne’e halo kaixaun hamutuk 92, no agora dadaun ami foru ona kaixaun hamutuk lima” konfirma Manajer Raios de Camanasa Unipessoal, LDA Fikki Mozzagie, iha nia fatin Bairu-Pité, Díli, Sesta (12/03).

Diretór Jerál Ministériu Soliedaridade Sosiál no Inkluzaun MSSI, Rui Manuel Exposto mós deklara ona katak, dadaun ne’e Ministériu antesipa ona Karreta Funeráriu, no Kaixaun ne’ebé atu halo atendimentu, wainhira Timor Leste rejista kazu mortal ba Covid-19.

Enkuantu kona-ba orsamentu, parte kompañia seidauk hatene lolos nia montante hira mak Governu sita, hodi halo kaixaun sira ne’e.

Entretantu Autoridade Munisípiu Díli hamutuk ho Diresaun Jerál Terras no Propriedade Nasionál, no Munisípiu Díli, identifika ona rai hektare 12 iha Metinaro, hodi sai fatin atu harii semitériu, ba kazu mortál COVID-19 iha Timor-Leste. San

 

Lee hotu :   LUCAS DA COSTA: IMPASSE POLÍTIKA AFETA BA VIDA MORIS POVU KI'IK

Add to Comments Here!!!!

error: Content is protected.
Secured By miniOrange
You might also like:
COVID-19 iha Díli aumenta ba 47, atuál baixa 76

Koordenadór Forsa-Tarefa ba Prevensaun no Mitigasaun...

PN: Governu tenke atende pasiente COVID-19 ho di’ak

Deputada PD iha Parlamentu Nasionál (PN),...

Dalan ligasaun Díli ba munísipiu seluk taka, implika negosiante Taibesi triste

Negosiante iha merkadu Taibessi triste, tanba...

Close