JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komunidade husu Governu koloka ekipa SIJK iha fronteira Díli ho munisípiu sira seluk

Komunidade husu Governu koloka ekipa SIJK iha fronteira Díli ho munisípiu sira seluk

Komunidade Liquiça no Ermera husu Governu, koloka ekipa Servisu Integradu Jestaun Krize (SIJK), iha fronteira sira, entré Díli ho munisípiu  seluk hodi fasilita sira-nia viajen ba-mai Díli.

Relasiona ho regra serka sanitária  ne’ebé mak Governu aplika iha kapitál Díli, hahú iha  Tersa (09/03/2021) to’o iha loron Tersa (15/03/2021), remata, maibé haree husi loron ba loron  iha kapitál Díli rejista hela de’it kazu pozitivu surtu COVID-19. Ho ida ne’e Governu  liu  husi reuniaun Konsellu Ministru, estende serka sanitária  hahú husi  Kuarta (16/03/2021) to’o loron rua fulan Abril, hodi  limita movimentu komunidade atu sai husi Díli  ba munisípiu seluk,  no munisípiu seluk ba Díli.

 Bainhira dezloka ba iha munisípiu tenke hetan karta autorizasaun ka guai de marcha husi Servisu Integradu Jestaun Krize.

 “Ami  ne’ebé mak atu ba sosa sasán nesesidade bázika ne’e atu tama ba Díli tenki iha guia de marcha, husi SIJK, agora ami atu ba trata iha ne’ebé, ami atu ba trata mós ladi’ak, entaun, ami husu se bele karik ekipa ida bele destaka mós  fatin ida iha ne’e hodi fasilita ami Ermera no Liquiça bele ba sosa netik  buat ruma iha Díli-laran”,esplika abitante Liquiça, Felismeno Soares, ba jornalista sira Kuarta (16/03/2021), iha Rotunda Tibar, Díli.

Alende ne’e Kompradór António Jito Alves,  hateten, nia mai husi Ermera, la lori karta autorizasaun ruma, tanba Konsellu Ministru antes ne’e deklara serka sanitária iha kapitál Díli-laran to’o loron hitu de’it.

“Maibé ami to’o iha Tibar, rona fali dehan Governu estende  regra serka sanitária iha Díli hodi taka dalan sira ne’e. Ne’e mak ami la satisfas, mais ou menus fó tempu loron ida  no loron rua para ami bele sosa tiha fos ruma mak aplika serka sanitária”,dehan   António Jito Alves.

Lee hotu :   OJE 2021 tenke aloka máximu ba setór agrikultura

Iha parte seluk, negosiánte  Jacinta de Deus  negosiánte husi Ermera Letefoho atu lori  produtu lokal  mai fan iha Díli, maibé  hetan impedementu husi autoridade seguransa Liquiça.

“Agora ami nia  rai iha Ramelau nia hun ne’e batar laiha, ne’e mak ami lori lakeru mutin ba fan iha Díli atu fan hodi sosa netik hahan ruma sira bele han. Agora ami fila, Corona la kona ami, mas hamlaha mak  hola ami mate”,dehan  Jacinta de Deus.

Tuir informasaun husi Polísia munisípiu Liquiça ne’ebé mak hala’o kna’ar  iha  área Rotunda  Tibar katak,  komunidade sira, husi munisípiu Ermera no Liquiça, sira sei la autoriza ba kapitál Díli, se wainhira  sira laiha   karta autorizasaun  husi Sentru Integradu Jestaun Krize.

Observasaun GMN iha terrenu nota katak,  kareta no motorijada ne’ebé mak liu husi área refere  tenki para hatudu karta autorizasaun  husi Sentru Integradu Jestaun Krize.avi

 

Add to Comments Here!!!!

error: Content is protected.
Secured By miniOrange
You might also like:
PN husu Governu tau atensaun ba povu vulnerável no laiha RP

Parlamentu Nasionál (PN) liuhosi  deputadu Arão...

Fó subsídiu ba estudante hela kost, MESSK sei apoia dadus ba MSSI

Governu liu hosi Ministériu Solidariedade Sosial...

La selu kompañia distribuidór sesta bázika, Rui Castro: Loloos ne’e Ministru kompetente rezigna-an

Emprezáriu Timor-oan, Rui Castro, konsidera Governu...

Close