Mane ida husi munisípiu Ermera mout iha tasi área Tasi-Tolu

Sidadaun mane ida hosi munisípiu Ermera mout iha tasi área Tasi-Tolu nian Sábadu, kuaze tuku 11 dader, ho naran Hipolito de Deus, bainhira hariis tasi ho nia kolega sira.

Maske nune’e, Hipolito konsege salva-an hosi akontesimentu refere, bainhira hetan prezensa husi Polísia Nasionál Timor-Leste ne’ebé, halo operasaun no duni komunidade sira hariis no tuur iha tasi-ibun. Hipolito konsege esforsa-aan,  hodi halai sai hosi tasi-laran no ba monu iha komunidade nia uma oin.

Hafoin ne’e, polísia no komunidade sira konsege salva nia, liuhosi maneira hasai tasi been no kontaktu ambulánsia hodi evakua kedas sidadaun refere ba iha sentru saúde Comoro.

Akontesimentu ne’e, Membru polísia sira apela ba komunidade ne’ebé hela besik área tasi ibun, atu prevene dezastre sira hanesan ne’e, inklui prevene transmisaun COVID-19, no husu ida-idak hakmatek iha nia uma, no bandu komunidade atu halibur hamutuk iha fatin ida.

Governu aplika ona medida prevensaun COVID-19, ho implementasaun serka sanitária ba munisípiu Díli, tanba dadaun ne’e, númeru kazu pozitivu ne’ebe iha hela sala izolamentu, aumenta ba beibeik.Say