JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Motorista konsidera povu kiik mak lori todan durante serka sanitária

Motorista konsidera povu kiik mak lori todan durante serka sanitária

Motorista kareta truck konsidera, implementasaun regra serka sanitária aplika deit ba povu kiik hodi limita movimentu povu nian atu buka moris iha ámbitu serka sanitária.

Motorista Afonso Hornai, hatete implementasaun regra serka sanitária aplika deit ba povu kiik, hodi limita movimentu povu nian atu buka moris iha situasaun serka sanitária, maibé Governu loke dalan ba transporte Áero hodi tama mai Timor.

“Ita hotu kumpri ba regra serka sanitária, maibé ida ami la satisfaz mak kareta privadu sira bele halai no aviaun bele tama mai Timor,dehan Motorista Afonso Hornai, ba GMN, Sábadu (20/03/2021), iha Fomento, Díli.

Afonso sente triste tanba durante serka sanitária sira labale hetan osan liuhosi lori kareta truck hodi tula rai-henek, fatuk ka blok, tanba Polísia la autoriza atu kareta truck halo movimentu no para deit kareta iha estrada ninin parte Fomento mós Polísia duni.

“Agora se Polísia bandu hotu ami labele halai kareta buka osan, entaun Governu labele autoriza aviaun hosi Nasaun seluk tama mai Timor. Ami sente lei vale ba povu ki’ik deit no ba nai ulun sira laiha no ami husu atu Governu buka tok meius hodi rezolve problema povu nian iha situasaun ida agora, nune’e povu labele terus tanba hamlaha”,subliñia.

Motorista ne’e haktuir, povu agora la fiar ona Governu hodi dehan, Covid-19 ne’e tebes ka keta Covid polítika ba povu deit, tanba haree Nasaun hotu ema mate barak tanba Covid-19, maibé iha Timor  sente hanesan Covid halimar hodi abuza fali poder, tanba iha Díli taka hotu dalan ba povu kiik atu halo movimentu buka moris, maibé Governu loke fali dalan ba aviaun mai hosi estranjeiru.

Lee hotu :   Uma 6 hetan estragus iha Aldeia Laulora, Governu seidauk fó ajudu umanitária ba vítima

“Ami husu atu Governu labele limita movimentu povu nian, nune’e povu bele kontinua buka moris tanba se lae ami hela iha uma deit se mak atu sustenta ami nia família fen no oan sira, tanba agora dau-daun ne’e rendimentu ne’ebé mai hetan ne’e susar no depende deit ba ema aluga kareta, agora sei ami para deit entaun osan atu hetan hosi ne’ebé”,dehan.

Iha fatin hanesan, Motorista Mario de Deus, sente triste tanba iha implementasaun serka sanitária Governu limita movimentu populasaun nian, hodi halo povu barak sente sai vítima ba regra Governu nian.

“Ami husu atu regra ne’ebé Governu hasai ne’e ba ema hotu la’ós ba povu kiik deit. Ami kumpri uza máskara halo distansia, no tanba nessesidade mak ami mai iha fatin ne’e hodi buka moris hodi sustenta família liuhosi buka moris lori kareta truck maibé sekuandu ida ne’e mak Governu bandu hotu, oinsa ho ami nia moris lor-loron nian”,realsa.

Nia esplika, iha situasaun ida agora atu hetan osan ne’e susar tanba ema la aluga kareta hodi tula rai-nehek,fatuk ou blok nune’e kareta para deit to’o lokraik fila ba uma no kareta ne’ebé lori laos kareta privadu maibé kareta ema nian, entaun se loron ida mak ema la aluga kareta osan laiha no labele setór ba kareta nain.

“Ami-nia saláriu fulan depende ba osan ne’ebé kada loron ami hetan hosi ema aluga kareta, sei agora loron ida mak ami la hetan osan no labele estor ba kareta nain, maka ami nia saláriu fulan mós simu la kompletu tanba kareta nain osan laiha. Ami salario tuir estandar USD 150”.dehan.

Lee hotu :   Xefe Suku Kaikoli husu Governu halo manutenusaun ba valeta

Motorsita ne’e husu ba Governu, atu labele halo povu sai vítima ba implementasaun serka sanitária. “Uluk ita hamutuk luta hodi duni sai ema, maibé agora ita ho ita mak halo terus malu. Tanba ne’e, regra ne’e tenke implementa hosi bo’ot mak ba kiik  tanba hosi povu mak iha nai-ulun sira no se povu laiha, Nasaun ne’e la ba oin. Ami prontu hela iha uma hodi obdese ba regra, maibé ami husu ba Governu atu haree-tok oinsa ami-nia moris sekuandu ami iha uma no saida mak lori atu sustenta família uma-laran, tanba ami lakohi iha serka sanitária ida ne’e halo ami povu sai vítima”.haktuir.Fel

 

Add to Comments Here!!!!

error: Content is protected.
Secured By miniOrange
You might also like:
Pasiente COVID-19 ida hemorrajia no ida moderadu

Koordenadór Forsa-Tarefa ba Prevensaun no Mitigasaun...

Troka konta bankária, KJTL iha Sidney seidauk bele simu osan

Konsul Jerál Timor Leste (KJTL) iha...

PR: PNTL tenke fó tratamentu hanesan ba sidadaun hotu

Prezidente Repúblika Francisco Guterres Lú Olo...

Close