PNTL sei foti medida hasoru motorista Ambulánsia hemu-tua, Nilton husu deskulpa

FOTO: FACEBOOK

Polísia Nasionál Timor-Leste (PNTL) sei foti medida ba motorista Ambulánsia husi Ministériu Saúde (MS) sira ne’ebé hemu tua hodi kontra regra serka sanitária, iha ne’ebé la fó distansiamentu ba malu no sai virál iha média sosiál.

Dadauk ne’e, Governu aplika hela regra serka sanitária, ba komunidade iha kapitál Díli, atu labele halibur malu iha  fatin públiku, maibé komunidade balun kontinua  la kumpri regra Governu nian ne’ebé mak fó sai, no motorista MS nian tur la dook malu hodi hemu-tua hamutuk.

Hanesan  iha imajen ne’ebé mak virál  iha média sosiál hatudu katak, ema sira  tuur haleu hela meza ida hodi hemu tua hamutuk.

 “Komando PNTL konsidera ema hotu hanesan iha lei nia oin tanba ne mak ami sei kruza informasaun liu husi koordenasaun. Komando PNTL orienta ami koordenasaun depois  mak ami bele fo sai, medida sira ne’e hanesan iha lei disiplilinar  no ba komunidade bain-bain mos  kuandu sira komete irigularidade, kontra regra sanitária, kontra ordem Estadu Emerjénsia ita kaptura halo identifiksaun ba  sira, inklui mós profisional sira komete irigularidade ita  detekta ne’e los  ita mós sei halo identifikasaun hanesan”, esplika Segundu Komandante PNTL Munisípiu Díli Superintendente  Euclides Belo, ba jornalista GMN  Tersa (30/03/2021) iha Kaikoli

Koordenadór pilár VII COVID-19, Nilton do Carmo da Silva, husu deskulpa ba públiku relasiona ho imajen ne’ebé espalla iha sosiál media kona-ba motorista ambulánsia sira halibur malu hodi hemu tua iha fatin kuarantena.avi