Prevene COVID-19, Komunidade Perumdis taka dalan tama bairu

Komunidade  Sargrada Coração de Jesus Perumdis husi Suku Comoro, foti inisiátiva  hodi taka dalan tama sira-nia bairu, hodi halo prevensaun ba surtu COVID-19.

Maske bairu Sargrada Coração de Jesus Perumdis la rejista kazu COVID-19, maibé sira rasik halo prevensaun hodi taka dalan atu  nune’e ema ida-idak hela iha sira-nia uma, hodi kumpri ba regra serka sanitária husi Governu.

Xefe Bairu  Sargrada Coração de Jesus Perumdis, Guilhermina Soares Mouzinho, hatete,  komunidade deside taka dalan, tanba sira  ne’e ho tempu provizóriu, bainhira  to’o loron sanulu resin lima, sira sei loke fila-fali.

“Ami hola  inisiativa taka dalan ida ne’e, tanba antes  ne’e estrutura koalia hamutuk, tanba  ita haree situasaun agora  iha Timor-laran, liu-liu iha Díli  ne’ebé mak hasai ona despaisu  katak, provezorimente semana ida  lockdown ba sidadaun sira hela iha Díli. Entaun ho  deklarasaun ida ne’e ami deside  koordena ho ami-nia Xefe Aldeia  4 de Setembru hodi taka dalan ida  ne’e. Husi Xefe Aldeia rasik aseita ho  inisiátiva  ne’ebé mak  husi Xefe Bairu ho nia ekipa  halo. Entaun  ita halo prevensaun provizorimente, la’ós taka dalan ba longu prazu, maibé provizoriamente tuir  despaixu Governu ninian”,esplika Guilhermina   Soares Mouzinho, ba GMN Kuarta (10/03/2021), iha Bairu Sargrada Coração de Jesus Perumdis. Bairu Sargrada Coração de Jesus Perumdis, kompostu husi Gang  ida to’o lima.avi