JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Reprezentante IKS no 77 husu membru sira hakmatek

Reprezentante IKS no 77 husu membru sira hakmatek

Reprezentante organizasaun artemarsiál Ikatan Kera Sakti Timor-Leste (IKS-TL) no arte rituál Sete-Sete (77), husu ba membru sira atu hakmatek hodi kontribui ba estabilidade.

Apelu ne’e líder husi organizasaun rua ne’e hato’o relasiona ho kazu agresaun fízika  ne’ebé mak akontese hodi rezulta  joven na’in rua  husi organizasaun Sete-Sete hetan baku husi  membru IKS iha Beto-Tasi.

Nune’e iha Sesta (26/03/2021) Sekretáriu Estadu Juventude no Desportu, Abrão Saldanha, bolu reprezentante artemarsiál husi  Ikatan Kera Sakti Timor-Leste no  arte ritual Sete-Sete atu buka solusaun ba aktu krime ne’ebé mak akontese, hodi bele submete tuir dalan legál.

“Governu preokupa konfrontu ne’ebé mak akontese  loron hirak liu ba, liu iha  iha tempu ida ne’ebé mak serka sanitária. Tanba ne’e mak bolu lideránsa rua mai hotu iha ne’e  para rona idak-idak nia parte, sira rasik dehan la autoriza sira nia organizasaun atu halo konflitu, konflitu ne’e atua iha membru sira, entaun sira iha responsabilidade atu fó mensazen ba sira”, esplika Sekretáriu Estadu Juventude no Desportu, Abrão Saldanha, ba Jornalista sira, iha edifísiu SEJD, Sionál, Díli.

Alende ne’e reprezentante artemarsiál husi  Ikatan Kera Sakti Timor-Leste, Silvestre Xavier Sufa, apela ba membru sira atu tuur hakmatek no kontribui ba estabilidade, la autóriza  halo krime.

“Husi Ikatan Kera Sakti ha’u so fó mesajen de’it ba membru IKS tomak iha Timor-Leste, organizasaun laiha autorizasaun atu halo violénsia ou torturasaun metode hanesan ne’e, tantu iha estatutu no organigrama  iha nia rejimentu,  ita-nia filozofia artemarsiáis la hateten, atu halo torturasaun ba maluk seluk”, dehan Silvestre Xavier Sufa

Nune’e mós Mestre Sete-Sete, Abilio Soares,  apela ba membru  sira atu  hakribi violénsia no  hadook a’an husi hahalok provokativu.

Lee hotu :   Impaktu husi surtu COVID-19, Apoiu emerjénsia ba vítima inundasaun la’o tarde

“Ha’u apela ba sira atu hapara hahalok sira,  ne’ebé mak akontese iha tempu kalan no loron, ita rona mensazen ruma no posting ruma iha telefoni, ema barak kanek, mas ita la hatene se  mak halo, sira na’in rua arte ritual no artemarsiál ne’e”, dehan Abilio Soares.

Durante enkontru ne’e marka mós prezensa husi Komisaun Reguladora artemarsiais no reprezentante PNTL.avi

 

Add to Comments Here!!!!

error: Content is protected.
Secured By miniOrange
You might also like:
Ramos Horta: Rekuperasaun ekonómika la’o sabraut

Eis Prezidente Repúblika, José Ramos Horta, konsidera, rekuperasaun ekonómika...

Aviaun Airnorth lori osan husi Darwin mai TL

Aviaun Airnorth husi Darwin-Austrália ho númeru...

PN seidauk simu proposta alterasaun OJE 2021 hosi Governu

Parlamentu Nasionál (PN) komisaun C ne’ebé...

Close