JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEFOPE seidauk hatene motivu traballadór Timor-oan lakon iha Korea

SEFOPE seidauk hatene motivu traballadór Timor-oan lakon iha Korea

Sekretária Estadu Formasaun Profesionál no Emprego (SEFOPE) seidauk hatene lolos motivu hosi traballdór Timor-oan, ne’ebé servisu iha Korea no tuir informasaun Timor-oan ne’e lakon tanba mout iha tasi.

Sekretáriu Estadu, Alarico do Rosário, hatete, SEFOPE halo ona kontaktu ho adidu Timor-Leste iha Korea no Embaixada Korea kona-ba, traballadór Timor-oan ne’ebé lakon, maibé hosi adidu no Embaixada rasik seidauk relata informasaun klaru konaba, kronologia  Timor oan ne’ebé lakon.

“To’o agora kronolojia ami seidauk informasaun lolos hosi Adino no Embaixada Korea. Ita hatene deit mak dehan,alin mane ne’e monu ho ró maibé motivu hosi nia monu ne’e to’o agora seidauk hatene.Traballadór ne’e monu iha ró iha loron 24 fulan Marsu tinan ne’e, informasaun ne’e ami simu maibé konaba motivu ne’e to’o agora seidauk”.dehan Alarico do Rosário ba GMN, Segunda (29/3/2021).

Alarico afirma, SEFOPE lor-loron sempre komunika ho Adidu iha Korea, atu update hela deit informasaun relasiona ho Timor-oan ne’ebé mout, maibé to’o agora seidauk iha informasaun klaru hosi parte polisia Korea nian ba Adido Timor iaha Korea.

“To’o ohin loron Adido seidauk hetan informasaun ou kronolojia lolos hosi polisia Korea nian, ne’ebé halo investigasaun ba Timor oan ne’ebé mout iha Tasi, tanba kazu ne’e iha Polisia nia liman no polisia kontinua buka hela alin mane ne’e”,subliña.

Nia haktuir, família hosi Timor-oan ne’ebé lakon mai hasoru ona SEFOPE, hodi husu SEFOPE atu kontinua servisu hamutuk ho Embaixada hodi buka tuir traballadór Timor oan ne’ebé lakon, no sira husu atu SEFOPE aprezenta motivu tanba saida mak traballadór refere lakon.

“Ami labele esplika ba família tanba saida mak traballadór ne’e lakon, tanba ami mós seidauk hatene klaru nia motivu no agora ami sei hein hela relatoriu hosi Adido Timor-Leste iha Korea no Embaixada, ne’ebé bainhira ami simu ona relatoriu los mak ami bele koalia ba família”.dehan.

Lee hotu :   Hiroshi Minami: Konstrusaun Aeroportu Nicolau Lobato iha 2020

Tanba ne’e hosi SEFOPE hakarak apela ba família, atu pasiénsia no kalma hodi fó fiar ba Adido no Embaixada Korea no fó garantia ba polisia iha Korea hodi buka tuir sidadaun ne’ebé lakon, no espera SEFOPE bele simu lalais rezultadu hosi investigasaun ne’ebé mak polisia halo.

Alarico esplika, normalmente bainhira Timor oan ne’ebé ba servisu iha Korea ou Australia mak hetan dezastre ruma, SEFOPE la taka matan tanba SEFOPE sempre servisu ho Adido no Embaixadór sira iha Korea, atu trata no oinsa aluga aviaun atu lori mate isin mai Timor bainhira polisia identifika ona mate isin.

Iha parte seluk, Defensor Diretus Humanus, Novelino dos Santos, hatete hafoin halo aprosimasaun ho família traballadór ne’ebé lakon, hosi família hatene katak sira asesu informasaun konaba, traballadór ne’ebé lakon liu hosi media sosial ne’ebé informa hosi Korea katak, traballadór Timor oan ne’e mout iha tasi.

“Situasaun ida ne’e koko kapasidade Estadu Timor nian. Estadu Timor-Leste tenke iha responsabilidade no obrigasaun moral atu hare problema ne’e. Agora hanesan Sekretário Estadu SEFOPE hatete, hein deit relatoriu mai mak sira foin halo intervensaun ida ne’e hau kestiona sira nia kapasidade”.

Novelino haktuir, kooperasaun bilateral entre Nasaun rua Timor-Leste ho Korea no Korea ratifika konvensaun Internasionál ba direitu humaus, maibé konsidera fali ema hanesan fali animal tanba halo buska ba ema ida nia isin ho tempu ida limitadu.

“Tanba sa Estadu Timor-Leste tenke konkorda ho Korea sira nia lei liga ho buska ba loron 3 deit, tanba ita konsidera ema hanesan animal.Traballadór ne’ebé mout ba Korea tanba politika Estadu no ba tanba Estadu nia hakarak no kada fulan nia hatama reseita domestika ba Estadu no kontribui hodi hamenus númeru dezeenpregu inklui rekoopera ekonómia família nian”.

Lee hotu :   Vítima inséndiu 199 husi munisípiu 4 hetan ona apoiu emerjensia

Maibé tanba sa iha situasaun ida família preokupa, Governu liuhosi SEFOPE tenke hein deit relatoriu mak bele fanun sira nia sensibilidade atu hare asuntu ida seriu.

Timor oan ne’ebé lakon iha Korea iha loron 24 fulan Marsu ne’e,ho naran kompletu João Carlos do Rosário,  husi Munisipu Bobonaro Postu-Admistrativu Kailako, ne’ebé ba servisu iha Korea iha tinan kotuk no servisu iha área peskas. Fel

Add to Comments Here!!!!

error: Content is protected.
Secured By miniOrange
You might also like:
EE ba Da-XII sidadaun bele kuarentena iha uma de’it

Medida Estadu Emerjénsia (EE),ba dala Sanulu...

Tauk frustradu hamate uluk ema, PN husu Governu loke atividade komersiál

Deputadu bankada Partidu Demokrátiku (PD), Adriano...

Xanana: Alkatiri laiha servisu seluk no hatudu deit nia arogánsia iha Facebook

Prezidente Partidu CNRT, Kay Rala Xanana...

Close