JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ativista DH konsidera Naimori laiha étika morál

Ativista DH konsidera Naimori laiha étika morál

Ativista Direitu Umanu (DH-sigla Portugés) konsidera Konselleiru máximu Partidu KHUNTO (Kmanek Haburas Unidade Nasionál Timor Oan (KHUNTO), José  dos Santos “Naimori”, laiha étika no morál tanba vióla regra serka sanitária.

José  dos Santos “Naimori, durante ne’e hala’o hela aúto izolamentu iha nia rejidénsia Manleu, ho durasaun loron  11, tanba pozitivu  COVID-19. Maibé iha Kuarta  (07/04/2021), Naimori livre husi aúto izolamentu tanba rezultadu teste husi Ministériu Saúde hatudu negativu.

Nune’e, Naimori aproveita hodi tu’un kedas ba  terrenu hodi fó apoiu solidaridade  ba vítima  dezastre naturais.

“Informasaun  ofisiál deklara husi parte  saúde nia ka sentru integradu Jestaun Krize  informa katak, senor Naimor  iha evoka balun liu ba pozitivu. Alende ne’e informasaun sira horseik ita hare’e ita observa katak, seidauk to’o 14 dias maibé señor Naimori livremente hodi hala’o asaun karidade. Ba dala uluk ita respeita asaun karidade ne’ebé mak nia halo, maibé wainhira atu koalia kona- bá, nia la  uza máskra  hatudu katak, ne’e étika laiha, lideránsa ida mak hatudu fali izemplu uza fali máskra  iha ema barak nia leet hatún fali  máskra hanesan ne’e, hatudu katak, lidéransa  ne’ebé mak laiha étika  no moral ne’e sai hela edukasaun la diak ba jerasaun foun”,esplika Defensór Direitus Humanus Novelino  dos Santos, ba GMN Kinta (08/04/2021), iha Kaikoli Díli.

Novelino husu ba Naimori atu halo reflesaun no rekoñese a’an.

 “Lalika halo fali Estadu ida ne’e obrigatóriu nia halo fali hakim sendiri konsidera katak, ita iha forsa popular, ita iha póder ba ukun ita nafatin atu halo buat hotu Estadu Demokrátiku konformi ita nia hakarak no hakarak halo fali diskriminasaun sosiál ba povu, ne’e ami la konkorda”,dehan Novelino.

Lee hotu :   KO 25 husu povu Aileu fó informasaun ba istória rezistensia

Tanba  ativista Direitus Humanus ne’e mós suzere ba PNTL atu notifika  Naimori hodi submete ba prosesu identifikasaun.

“Konkorda 100% ba ida ne’e, ha’u suzere para depois PNTL tenki fó notifikasaun ida  ba señor Naimori Bucar para nune’e nia bele presta deklarasaun hodi loke prosesu investigasaun por detalhu ko’opera ho Sentru Integradu Jestaun Krize para halo prosedementu legáis prosesu tratamentu pasiente pozitivu COVID-19.labele ita monta ita nia famozu, hakarak ita popularidade ita nia a’an iha públiku aproveita ema nia sofrementu, ita kontra fali regulamentu depois ita hatun tan máskra  ne’e étika laiha. Tanba ne’e mak ha’u hanoin señor Naimori lee barak”,dehan Novelino.

Segundu Komandante PNTL Munisípiu Díli, Superintendente Euclides Belo hateten, nia seidauk bele resposta, kona-bá Naimori vióla regras serka Sanitária,  maibé sei oriénta membru Polísia hodi buka informasaun husi komunidade, hafoin bele informa ba  públiku, tanba Polísia nia servisu neutru ba ema hotu.

“Ba informasaun ida ne’e ami seidauk bele fó komentáriu tanba ami nia fatin a’at hotu ne’e mak ami la akompaña televisaun, akompanha de’it iha telefoni, depois ami konfirma tiha lai ho dirésaun sel-seluk hodi  responde ba ida ne’e. Komando PNTL Dili hatudu neutralidade  ba asisténsia komunidade sira ba agora dadauk  oinsá ita nia komunidade sira iha refujia iha fatin refujiadu bele ho kalma”,dehan Euclides Belo.

Bainhira husu kona-bá PNTL  Munisípiu Díli brani atu kaptura Naimori, brani ka lae? Euclides Belo responde,  labele kestiona PNTL nia kapasidade.

“Ita konfirma mós ho komunidade, tau fiar ba komunidade , ita boot sira fó fiar  ba PNTL. PNTL ba ema hotu-hotu, la’os ba ema ida rua de’it”,dehan Euclides Belo.

Lee hotu :   Vizita maun boot Xanana laiha motivu polítiku

Karik ikus mai Naimori viola serka sanitária, Euclides Belo dehan,  iha lei para iha regula.

Antes  Iha  Kinta (01/04/2021), Polísia Nasionál Servisu investigasaun Kriminál, bolu  suspeitu ADS   hodi  loke  prosesu identifikasaun iha Kuartel Polísia, tanba ADS  moviliza  ema barak  iha resintu  Ministériu Públiku, hodi fó apoiu solidaridade ba Líder Nasionál Kay Rala Xanana Gusmão, iha Segunda (29/03/2021) wainhira Xanana ba presta deklarasaun  iha Ministériu Públiku.avi

Add to Comments Here!!!!

error: Content is protected.
Secured By miniOrange
You might also like:
Komunidade hetan tan mate isin ida iha Maubisse

Komunidade Suku Maulau, postu administrativu Maubisse,...

Palásiu nakonu ho tahu, PM-PR enkontru iha rezidénsia Farol

Enkontru entre Xefe Esatdu, Francisco Guteres...

Ponte Loes ameasadu atu kotu

Udan ne’ebé boot iha Sábadu to’o...

Close