JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Benefisiáriu SB Suku Maskariñas konsidera kompañia Paratrizel halo diskriminasaun

Benefisiáriu SB Suku Maskariñas konsidera kompañia Paratrizel halo diskriminasaun

Benefisiáriu Suku Maskariñas, lamenta ho item sesta bázika (SB) ne’ebé kompañia Paratrizel distruibui, tanba item refere iha foos kilo 10 deit, tanba ne’e benefisiáriu sira la lamenta hodi husu kompañia aumenta foos ba kilo 15.

“Ami rona dehan foos atu fó deit kilo 10 no fahe ba kada kabesa ho 5 kilo, tanba ne’e mak  ami la simu no ami hakarak foos tenke fahe hanesan ho benefisiáriu seluk ne’ebé simu”, dehan benefisiáriu Suku Markarinhas, Isabel Tavares de Araujo, ba JN-Diário, Kinta  (22/04/2021), iha Audian, Díli.

Isabel husu ba Governu atu implementa programa sesta bázika hanesan ba populasaun hotu, hodi fó orientasaun ba kompañia sira atu fahe sesta bázika hanesan, tanba iha kompañia balun fahe sesta bázika ba benefisiáriu kompletu, maibé kompañia ida agora toma konta ba benefisiáriu suku Maskriñas fase sesta bázika la hanesan, tanba foos ho kilo 10 fahe ba kilo 5.

“Ami haree item cesta bázika mak la tuir osan ami sei la simu, no ami husu atu kompañia fó osan depois mak ba hola rasik sasán”,dehan.

Hatán ba kestaun ne’e, Jestór kompañia Paratrizel, Shilton Gonçalves, hatete, kompañia prepara item bazeia ba presu kada kabesa ho dolar 50, tanba ne’e kompañia sei mantein ho item ne’ebé iha ona.

“Benefisiáriu sira-nia lamentasaun ne’e tanba haree ba kuantidade sasán no sira hakarak sasán ne’ebé sira simu tenke hanesan ho benefisiáriu sira seluk, maibé iha ne’e ami aumenta kuantidade hanesan foos iha fatin seluk simu kilo 5 maibé ami fó kilo 10 kada kabesa, tanba item ne’e balun ami hamenus hodi aumenta tiha ba foos”,haktuir.

Lee hotu :   Fó informasaun ho lian jestuál, GMN asina akordu ho RHTO

Preparasaun kompañia nian kona-ba item cesta bázika bazeia ba presu dolar 50 kada kabesa, tanba ne’e kompañia sei la muda item ne’ebé iha no sei la aumenta tan foos tuir benefisiáriu sira-nia hakarak. Tanba ne’e kuandu item to’o ona osan dolar 50, kompañia tenke fahe ona, haktuir Shilton Gonçalves.

Jestór kompañia Paratrizel, hatutan, item ne’ebé kompañia prepara mak hanesan, foos kilo 10, fore-keli kilo 1, kafe kilo 1, naan-karau isin kilo 1, ruin kilo 1, mina litru 2, sabaun 2, pastadente 1, masin midar kilograma 600  ho rinso 2, no montante orsamentu ba sosa item hirak ne’e hamutuk rihun atus tolu tolu nulu resin.

Xefe Suku Maskariñas, Rui Ilídio de Araújo, hatete, lamentasaun benefisiáriu sira ne’e tanba benefisiáriu sira sempre halo komparasaun ho benefisiáriu sira hosi suku seluk, tanba ne’e sira hakarak sasán ne’eb’e sira simu tenke hanesan mós ho benefisiáriu iha suku seluk.

“Hau tenta esplika sira katak, Bairu hotu simu cesta bázika la hanesan no benefisiáriu sira kestiona ne’e tanba sira hakarak simu sasán tuir nia gosta, maibé sira la koalia lori naran populasaun tanba kuandu koalia naran populasaun ida ne’e autoridade lokal deit mak hatene”.

Tanba ne’e hanesan autoridade nafatin fó hanoin ba benefisiáriu sira katak, programa cesta bázika ne’e Governu nian no ema hotu iha direitu atu halo keixa ba se deit maibé labele impede distribuisaun cesta bázika, tanba ema hotu nia hakarak la hanesan.

Suku Maskariñas iha Aldeia 6 ho total benefisiáriu hamutuk 6.662 mak benefisia ba programa cesta bázika.Fel

Add to Comments Here!!!!

error: Content is protected.
Secured By miniOrange
You might also like:
Fundu kontijénsia atinji tokon USD 70 bele atua situasaun kalamidade

Vise Ministra Finansas, Sara Lobo Brites,...

FRETILIN kritika Governu ko’a osan hosi AM-PDIM to’o 100%

Atu responde ba kalamidade públika ne’ebé...

Xina sei apoia vasina Sinovac doze 100.000 mai TL

Governu Xina sei apoia, Vasina Sinovac...

Close