Erozaun iha Maubisse, hamate ema na’in 5

Udan ho intensaun boot ne’ebé akontese, mais ou menus tuku tolu madrugada, iha domingu (04/04) ne’e, halo inundasaun nomós rai monu iha fatin barak, iha territóriu tomak.

Iha aldeia Tarabalu, suku Maulau, Postu Administrativu Maubisse, Munisípiu Ainaru, impaktu husi udan boot no rai monu hamate ema nain lima.

Vítima na’in lima ne’e kompostu husi inan, aman no oan na’in tolu.

Ba Rádiu Komunidade Maubisse Mauloko Segundu Komandante PNTL Postu Maubisse, Aquilino da Costa hatete, sidadaun na’in lima, dadaun ne’e komunidade hamutuk ho polísia hetan ona na’in rua, no na’in tolu seluk seidauk hetan, no ekipa sei buka tuir nafatin.

“agora dadaun hetan ona mate isin na’in rua, inan ho bebé ida, no hela aman Manuel da Silva ho oan na’in rua seidauk hetan, no sei buka hela” informa Segundu Komandante PNTL Postu Maubisse ne’e, iha Maubisse (05/04).

Komandante Polísia ne’e mós alerta ba komunidade sira iha fatin refere, nafatin matan moris no neon na’in, hodi antesipa nafatin udan ne’ebé sei kontinua boot.

Xefi suku Maulau Domingos Mendonça husu Ministériu relevante atu apoiu soliedaridade lalais kaixaun ba matebian, hodi realiza seremónia fúnebre.

“Rekomendasaun ba Ministériu Soliedaridade Sosiál no Inkluzaun atu bele haree ba mate na’in lima ne’e, liu-liu ba kaixaun, nomós apoiu buat seluk hanesan ai han, nune’e hodi halo fúnebre” tenik xefe suku ne’e.

Atualizasan dadus provizóriu husi Sekretária Estadu Protesaun Sivil katak, inundasaun ne’e rejulta ema 27 mak lakon vida. San