JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Espoza PR apoia vítima inundasaun sira

Espoza PR apoia vítima inundasaun sira

Espoza Prezidente Repúblika (PR), Cidália Mouzinho Nobre Guteres, iha Kuarta (07/04), liu husi Gabinete Palásiu Prezidensiál fó apoiu sasán nesesidade bázika ba vítima inundasaun ne’ebé refujia iha Kapela Bidau no Tasi-Tolu.

Sasán bázika ne’ebé Palásiu Prezidensiál atravez husi espoza PR ne’e mak hanesan, susu be’en, kulsaun, biti, foos, supermi no seluk tan. Antes ne’e, Cidália Nobre mós halo ona apoiu ba vítima inundasaun iha área Becora ho família uma kain 52, iha Cristal, Balide família uma ka’in 67, Tasi-Tolu uma kain 91 no kapela uma ka’in 42.

Tuir ajenda, apoiu refere sei halo mós ba iha kapitál Díli tomak, no ba munisípiu sira, no Cidalia iha esperansa katak Governu sei apoia sira iha tempu badak.

“Apoiu ne’e kontinuasaun ba ita nia komunidade sira ne’ebé balun hetan ona balun ekipa serbisu hamutuk ho ho parseiru iha fatain barak ne’ebé horiseik no ohin ami ba presiza mak biti, sumasu para atu toba iha fatin ida ne’e. ita-nia komunidade presiza liu ropa, be’e moos atu uza hariis fatin ninian”, dehan Cidália Mouzinho Nobre Guterres hatan ba JNDiário iha Tasi-Tolu, hafoin fahe sasán hirak ne’e.

Florentino Martins, nu’udar Koordenadór Refujiadu Aldeia 12 Outobru, agradese ba apoiu husi gabinete Palásiu Prezidensiál ne’ebé oferese liu husi espoza xefe Estadu.

Ami apresia ba apoiu umanitáriu ita-nia Prezidente Repúblika Gabinete Prezidente Repúblika oferese ba ami nu’udar povu afetadu, ami nafatin agradese tulun bo’ot ne’ebé ami simu atu nune’e bele responde hela ami hotu ninia nesesidade iha situasaun atuál”.dehan.

Observasaun GMN iha terenu nota, refujiadu sira kontente ho apoiu sasán hirak ne’e, tanba bele tulun sira hodi aguenta moris iha situasaun difísil.

Lee hotu :   SS husu SIJK hadia sistema evakuasaun pasiente COVID-19

Nune’e Cidália mós nafatin enkoraja refujiadu sira, atu nafatin forsa hasoru situasaun ne’ebé sira enfrenta dadaun, liga ho inundasaun ne’ebé akontese iha semana kotuk kauza husi udan no anin boot. Ina

 

Add to Comments Here!!!!

error: Content is protected.
Secured By miniOrange
You might also like:
Rai-monu taka Luis Sarmento to’o mate

Luis Eduarda Madeira Sarmento, mate iha...

SekJer partidu FRETILIN apoia vítima inundasaun iha Dom Bosco

Sekretáriu Jeral (SekJer) Partidu FRETILIN, Marí...

PN aprova karáter urjénsia ba proposta OR

Parlamentu Nasionál (PN) kinta lejislatura, liu...

Close