JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Implementa regra la loos, hamihis povu nia konfiansa ba Governu kombate COVID-19

Implementa regra la loos, hamihis povu nia konfiansa ba Governu kombate COVID-19

Asia Justice and Right (AJAR), deklara, durante situasaun serka sanitária, no konfinamentu obrigatóriu, hafoin rejista kazu transmisaun lokál Covid-19, Governu la sériu implementa régra ho loloos, nune’e hamihis konfiansa povu nian ba mitigasaun COVID-19.

Ofisiál Ligasaun Instituisionál Dezenvolvimentu, no Advokasia AJAR, Inocéncio Xavier, hateten, antes rejista kazu transmisaun lokál, Governu aprova rezolusaun sira, ho régra ne’ebé rigurozu, hodi suspende atividade misa, eskola, loja no atividade la importante sira seluk.

Maibé hafoin rejista kazu mortál tolu ba Covid-19, Governu reativa atividade hotu, no régra sira ne’ebé OMS no Governu aplika, sidadaun barak la kumpri ona.

 “Iha situasaun sira transmisaun lokál ema kontinua halo movimentu livre, agora uluk ita seidauk iha transmisaun lokál ita rigor tebes, ema hela iha uma, ema nunka sai. Ita-boot sira haree ita la’o iha Díli laran ita haree hetan deit média, polísia no ita sira front line ne’ebé mak halo observadór ne’e, populasaun hela hakmatek iha uma. Agora ita tama ona estadu emerjénsia dala 13, iha tan situasaun transmisaun lokál no ema mate, halo ema atu la fiar fali. Agora ita tenke buka, tanba sa ema la fiar? Ne’e tanba husi asaun governasaun nian ne’e la sériu, ida ne’e mak halo ita nia komunidade la fiar”,dehan Inocéncio Xavier, iha nia kna’ar fatin Farol, Díli Tersa (27/04).

Peskizadór ne’e hateten tan, hadi’a mos maneira tratamentu ba sidadaun ho hanesan, labele hamosu diskriminasaun entre ema ne’ebé figura no sidadaun bai-bain.

“Tratamentu tenke hanesan, labele haree deit nia poder polítiku ne’ebé nia ba toba iha uma, no ambulansia mos la sa’e, mai ho nia kareta privadu deit”,tenik.

Lee hotu :   UNDP aprezenta mensajen SekJen ONU ba PR Lú Olo

Sosiedade Sivíl ne’e sujere ba Governu, atu halo reflesaun, nune’e atu hadia erru sira ne’ebé mosu durante ne’e.“Buat sira mosu kuandu povu la fiar ne’e, governu tenke halo reflesaun”,subliña.

Tan Inocéncio hateten, sosiedade sivíl nafatin sosializa informasaun sira kona-ba Covid-19, maibé atu restaura fali konfiansa povu nian, ba Governu kona-ba kalamidade ne’e, Governu tenke buka hatene, kona-ba deskonfiansa sidadaun, no Governu rasik mak tenke fó resposta, nune’e hadia fali naksalak ne’ebé iha. San

Add to Comments Here!!!!

error: Content is protected.
Secured By miniOrange
You might also like:
PTR rejeita fó komentáriu kona-ba Ró Haksolok

Prezidente Tribunal Rekursu (PTR), Deolindo dos...

Ramos Horta sujere Governu mantein utiliza vasina AstraZeneca

Laureadu Nobel da Paz, José Ramos...

MP la pronunsia keixa Alkatiri hasoru CPN no deputadu CNRT 21

Prokurador Jerál Repúblika (PJR), José da...

Close