JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Inundasaun hamate ema 13 iha Díli no uma kain 1.579 evakua ba sentru evakuasaun

Inundasaun hamate ema 13 iha Díli no uma kain 1.579 evakua ba sentru evakuasaun

Tuir dadus provizóriu loron 5, fulan ne’e, Sekretaria Estadu Protesaun Sivíl (SEPS), rejista vítima mortal 13 iha Munisípiu Díli no família uma-kain ne’ebé evakua ba Sentru Evakuasaun hamutuk 1.579.

“Díli iha ema ne’ebé mate hamutuk 13, Munisípiu Ainaro na’in 8 mak mate tanba, mota lori alin feto 1 no ai- hanehan joven na’in 2, no família ida kompostu ema na’in 5 mate tanba rai halai taka, nune’e vítima inan ho oan mak hetan ona maibé hela aman no oan nain 2 mak seidauk hetan, tanba parte Autoridade kontinua buka hela vítima ne’ebé lakon”,dehan Diretór Jeral Protesaun Sivíl, Ismael da Costa Babo, ba jornalista sira Segunda (05/04/2021), iha Kaikoli, Díli.

Diretór Jeral afirma, SEPS nafatin hein informasaun hosi vítima sira karik iha família balun lakon hanesan mota lori ou rai-monu taka, bele mai informa iha SEPS nune’e bele buka tuir vítima ne’ebé lakon. Iha informasaun hosi Munisípiu Manatuto, ne’ebé dehan mota lori vítima balun, tanba ne’e ekipa hosi Protesaun Sivíl tun ona ba terrenu atu buka tuir informasaun kona-ba vítima hirak ne’ebé dehan mota lori.

“Iha Sentru Evakuasaun hamutuk 11, kompostu hosi Sentru Dom Bosco Comoro, São João Paulo II, Protesaun Sivíl Kaikoli, Ministériu Solidariedade Sosial no Inkluzaun (MSSI), Ministéiru Finasas (MF), Cruz Vermella Timor-Leste, Eskola Liceu, INFORDEPE Balide, Madre Salesiona Balide, Radio Lorosa’e Seroja, no Igreja São Sebastião Bidau”, haktuir Ismael.

Nia subliña, aban (tersa) Protesaun Sivíl nafatin halo asesmentu dadus hosi vítima hodi bele hatene família hirak mak afeta ba dezastre naturais, tanba agora iha deit dadus provizoriu no dadus ikus seidauk konklui tanba ne’e mak sei halo asesmentu atu bele hatene lolos.

Lee hotu :   Ahi-han loja rua iha Liquiça

Iha fatin hanesan, Sekretáriu Estadu Protesaun Sivíl, Joaquim Gusmão, hatete, Protesaun Sivíl fó ona apoiu emerjensia ba vítima família uma kain, ne’ebé mak evakua ona ba Sentru Evakuasaun sira iha Kapitál Díli.

“Apoiu ba vítima dezastre sira, ami apoiu kedas horseik tanba Protesaun Sivíl iha Sentru Evakuasaun hamutuk 11, ne’ebé mak identifika ona no ohin ami hetan tan apoiu hosi Nasoens Únidas hodi kria Sentru Operasaun, ne’ebé apoiu hotu sei liu hosi Sentru refere”.dehan.

Joaquim haktuir, nia parte halo reuniaun ho Primeiru Ministru Taur Matan Ruak, ba iha unidade intervensaun dezastre naturais hodi hare apoiu hosi Governu nian, tanba apoiu sira ne’e importante mak apoiu iha hora 74 primeiru, ne’ebé mak SEPS halo on aba vítima dezastre naturais sira.

“Tuir Protesaun Sivíl nia servisu, bainhira akontese dezastre ami fó kedas apoiu emerjénsia iha hahan no mós laos hahan, ne’ebé apoiu ona ba Sentru Evakuasaun sira”.haktuir. Fel

Add to Comments Here!!!!

error: Content is protected.
Secured By miniOrange
You might also like:
Vasina AstraZeneka doses rihun 24 to’o ona iha TL

Vasina AstraZeneka hamutuk doses 24.000 ba...

PR Lú Olo hato’o solidariedade ba vítima inundasaun

Prezidente Repúblika (PR), Francisco Guteres Lú...

PR konvida Horta diskute golpe militar iha Myanmar

Prezidente Repúblika (PR), Francisco Guteres Lú...

Close