JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu vidru hakanek médiku iha Suai, FONGTIL dezafia MP investiga klean

Kazu vidru hakanek médiku iha Suai, FONGTIL dezafia MP investiga klean

Forum Organizasaun Naun Governamental Timor-Leste (FONGTIL) dezafia  Ministériu Públiku (MP) atu investiga klean kazu  vidru janela hakanek médiku ida iha kuarentena Polo Suai, Covalima.

Kazu  médiku ida hetan  kanek, tanba ko’a husi vidru janela   iha kuaréntena Polo Aldeia Tabaku Loot, Suku Debos, Postu Administrátivu Suai-Villa, Munisípiu Covalima iha loron 19, fulan ne’e hodi hamosu  diferénsia deklarasaun ne’ebé mak produs husi  Porta- Voz, Octavio Soares  no Xefe Ekipa Vijilánsia  Covalima Serafim Moniz no Prezidente Autoridade Munisípiu Covalima Francisco de Andrade, kona-bá  médiku Juvelino Deogratia Cardoso De Jesus hetan kanek iha parte hasan.  Sira na’in tolu fó ona deklarasaun ba públiku konserteza sira na’in tolu hatene  ona istória husi  akontesimentu ne’e nomos konvida ema ne’ebé mak deskonfia baku rahun vidru ne’e, se iha ema ruma baku rahun vidru rahun konserteza  iha rastus, iha nia liman no ain ne’ebé mak baku ba vidru ou tebe vidru ne’ebé rahun ne’e investigasaun ne’e la’o hodi deskobre  aktu sira ne’e.

 “Em prensípiu FONGTIL  kondena aktu krime, ita la fó espasu  aktu krime sira sirkula  ou  eziste bele  limita ema seluk nia liberdade  ou prejudika ema seluk  nia fízika. Mas relasiona  ho kazu iha kuarentena Polo   ita haree faktus balun hatudu iha diferénsia  husi deklarasaun  ne’ebé produs husi  Porta-Voz, Octavio Soares ho deklarasaun ne’ebé produs husi  Xefe Ekipa Vijilánsia  Covalima Serfim Moniz no deklarasaun ne’ebé ne’ebé produs husi  Prezidente Autóridade Munisípiu Covalima, Francisco de Andrade ne’ebé mak  ita hetan husi reportajen  Radio Covalima nian. Husi varias deklarasaun ida ne’e, entaun konvida  itania duvida”,esplika Koordenadór  Advokásia  FONGTIL, Ivo Colau Lay Costa, ba GMN Kinta (22/04/2021), iha Kaikoli.

Lee hotu :   Lere: Osan laiha atu harii muzeu tau ró aat F-FDTL nian

Nia dehan, se   iha diferénsia deklarasaun ba kazu refere presiza atu loke prosesu investigasaun husi  Minstériu Públiku hodi  hetan loloos verdade husi  realidade akontesimentu ne’ebé mak akontese.

“Mas los  duni, ba ha’u hanesan ponto de vista  jurídiku nian se kazu akontese komete husi  estudante sira tuir loloos halo ona detensaun ba autór ne’e, tanba ne’e ita uza ona artigu 219 husi kódigu prosesu penál kona-bá flagrante delitu, tanba ema ne’e halo asaun krime  iha públiku nia oin ou iha autoridade seguransa no defeza nia oin, sira bele kaptura  hodi lori ba estasaun Polísia hodi foti sira nia deklarasaun halo detensaun durante 72, depois prosesu nia ba iha primeiru interogatóriu para hetan desizaun husi nivel tribunal distritál”, dehan Ivo Colau Lay Costa.

Relasiona ho akontesimentu ne’e  médiku    Juvelino Deogratia, Cardoso de Jesus, ne’ebé mak hetan  kanek hato’o ona keixa ba iha seksaun investigasaun Komando  PNTL Munisípiu Covalima.avi

 

Add to Comments Here!!!!

error: Content is protected.
Secured By miniOrange
You might also like:
Benefisiáriu SB Suku Maskariñas konsidera kompañia Paratrizel halo diskriminasaun

Benefisiáriu Suku Maskariñas, lamenta ho item...

Fundu kontijénsia atinji tokon USD 70 bele atua situasaun kalamidade

Vise Ministra Finansas, Sara Lobo Brites,...

FRETILIN kritika Governu ko’a osan hosi AM-PDIM to’o 100%

Atu responde ba kalamidade públika ne’ebé...

Close