JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KI nota kualidade jornalízmu TL hahú tun

KI nota kualidade jornalízmu TL hahú tun

Rezultadu monitorizasaun Konsellu Imprensa Timor Leste (CI-TL Sigla Portugés) durante fulan 4, hahú husi Janeiru to’o Abril tinan ne’e, identifika atividade jornalízmu balun, nia kualidade hahú tun, liu-liu kapasidade no intelektualidade jornalista nian, hodi intende asuntu kobertura.

Virgílio esplika, kona-ba téknika hakerek nian, tuir monitorizasaun KI nian, jornalista hotu di’ak, tuir padraun jornalismu nian ka 5W+1H.

 “Primeiru ami nota katak, kualidade jornalismu iha Timor ninian ne’e monu maka’as” hateten Prezidente KI, Konferénsia ba Imprensa iha Kintal-Boot, Díli, Sesta (23/04).

Prezidente KI ne’e subliña tan, situasaun ne’e monu aat liu, atividade jornalizmu iha tinan 1999 nian mai.

“Bele dehan monu ida aat liu, dezde 99 referendu ita manan tesik mai” dehan Virgílio Guterres.

Tuir Virgílio, hanesan kobertura durante iha situasaun pandemia COVID-19, jornalista sira-nia fontes ne’e barak liu, la’ós mai husi profisionál saúde, maibé fontes polítiku.

Tan ne’e, tuir lolos jornalista nia asuntu kobertura kona-ba COVID-19, fontes barak liu, tenke konfirma ho profisionál saúde sira, tanba assuntu coronavirus, liga ona ho saúde.

“Jornalista tenke intende katak, bainhira halo kobertura kona-ba Covid, ne’e assuntu ne’ebé relasaun ho saúde, assuntu ida ne’ebé nia fontes ne’e barak liu husi profisionál Saúde nian, do que polítiku”,tenik.

Tuir loloos, nia dehan, jornalista labele husu asuntu Covid-19 ba ema polítiku, tanba ema polítiku koalia deit kona-ba desizaun polítika kona-ba medida prevensaun nian.

Tanba ne’e, KI-TL nafatin esforsu, servisu hamutuk ho Asosiasaun Jornalista sira, kontinua kapasita pesoál jornalista sira, nune’e fanun fila-fali intelektuál no profisionál jornalista nian.

“Tanba ne’e mak iha diskusaun iha ne’e atu oinsa, Konsellu Imprensa diskute atu hamosu, prodúz sílabus, formasaun ou kuríkulu formasaun ruma ne’ebé bele aplika”,termina.

Lee hotu :   Dom Virgílio husu estudante labele haree deit ba obstákulu

Maske nune’e, Konsellu Imprensa mós deskobre mídia privadu GMN-TV no Mídia Públiku RTTL, EP, mós kontinua tranzmite programa sira ne’ebé, bele tulun sidadaun sira, atu hatene kona-ba perigu husi Covid-19. San

 

Add to Comments Here!!!!

error: Content is protected.
Secured By miniOrange
You might also like:
Governu presiza fleksibilidade iha rekuperasaun infraestrutura

Primeiru Ministru, Taur Matan Ruak, konsidera...

Xanana Gusmão apoia kaisaun ba matebian COVID-19

Líder Nasionál Kay Rala Xanana Gusmão,...

Kazu vidru hakanek médiku iha Suai, FONGTIL dezafia MP investiga klean

Forum Organizasaun Naun Governamental Timor-Leste (FONGTIL)...

Close