JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komunidade Díli: Di’ak liu Governu tau-matan bá povu nia susar, COVID-19 tau ba kotuk

Komunidade Díli: Di’ak liu Governu tau-matan bá povu nia susar, COVID-19 tau ba kotuk

Komunidade kapitál Díli ne’ebé afetadu bá inundasaun husu bá Governu atu labele preokupa uluk bá pandemia Covid-19, maibé tenke tau-matan uluk bá situasaun inundasaun ne’ebé lori sofrementu bo’ot ba populasaun sira impaktu hosi udan no anin iha sábadu kalan to’o domingu lokraik, ne’ebé rezulta komunidade balu lakon vida, uma balu mout, uma balu hetan estragus, laiha fatin toba, laiha ropa atu uja, no laiha hahan.

Komunidade Aldeia 12 Outobru, Suku Komoro preokupa, tanba to’o oras ne’e sira ladauk simu ajudus emerjénsia ruma hosi instituisaun Estadu ne’ebé toma konta bá asuntu ne’e ne’ebé refere.

“Ha’u hakarak sujere ba Governu maske ita bele koalia moras korona, maibé husu ba Governu ita bele koalia korona, maibé seidauk akontese mate ruma no akontese ne’ebé hanesan horseik ita rona mate barak iha kada bairo akontese realidade ema mate, ne’e mak ami hakarak sujere ba Governu bele toma medida urjente ruma ida ne’e mak ami hato’o ba ministériu relevante hodi bele haree asuntu ida ne’e, tanba bee ne’e sai kleur no nia labele sai”, afirma reprezentante komunidade Aldeia 12 Outobru, Julino Carmon de Jesus, ba GMN iha Tasi-Tolu, Segunda (05/04/2021).

Komunidade refere husu ba Governu atu fó apoiu urjénsia ba sira, tanba bee tama sira nia uma no to’o oras ne’e bee nalihun seidauk maran, nune’e komunidade sira deside evakua ba uma adat tasi tolu hodi salva sira nia aan.

Nia hedan, hosi situasaun ne’e laiha autoridaede lokál ruma mak halo komunikasaun ho komunidade sira ne’e, no ema sira ne’e labele kontaktu ho autoridade lokál, tanba telemóvel la funsiona kauza hosi eletrisidade mate.

Lee hotu :   Masakre Santa Cruz ba-dala 29, Riak Leman: Foinsa’e sira tenke hametin unidade

Hosi sorin seluk komunidade Aitarak-laran, Januario Amaral, sente triste ho inundasaun refere, tanba estraga sasan, tanba ne’e husu ba Governu atu tau atensaun ba problema sira ne’ebé mak dadaun ne’e komunidade sira infrenta ne’e.

“Ami husu ba ita nia Governu atu tau matan ba problema ne’ebé mak ami hasoru ida ne’e, tanba ami nia sasan be lori no sasan balu hanesan toba fatin be tama hotu, entaun ami agora seidauk bele toba iha uma. Se-bele Governu labele supa dei’t tahu iha Estrada bo’ot sira ne’e, maibé tama to’o iha bairo laran para supa sai tiha tahu nune’e komunidade sir abele la’o ba mai diak”,tenik Januario.

Observasaun GMN iha terenu hatudu, dadaun ne’e bee ne’ebé nalihun iha komunidade sira nia uma seidauk sai no maran, tanba komunidade hela besik liu tasi no bee dalan laiha.

Tuir dadus ofisiál iha loron Segunda (05/04) hosi parte Governu katak, inundasaun ne’ebé akontese iha sábadu semana ne’e, rezulta ema na’in 27 mate, hosi númeru ne’e kapitál Díli mate hamutuk na’in 13, na’in 14 hosi Munisípiu balu, na’in 8 seidauk konfirmadu, maibé informasaun ne’ebe espalha iha media sosál posibilidade sei aumenta tan.

Nune’e mós dadus provizóriu katak, komunidade ne’ebé afetadu bá inundasaun lakon sira nia uma hamutuk atus ida ualu (108), maske nune’e iha akontesimentu refere uma ho fasilidade barak mak hetan estragus totál.

Dadaun ne’e komunidade ne’ebé afetadu inundasaun hodi evakua ona hosi sira nia hela fatin ba hela iha fatin refuziadu mak hanesan, Ministériu Finansas, INFORDEPE, Igreja Bidau, Klinika Bairo-Pite, Madre Salesiana Balide, Radiu Seroja, Salaun Dom Bosco Komoro, edifísiu Protesaun Civil Caicoli, Kampuz UNTL Liceu, Cruz Vermelha Timor-Leste (CVTL), Uma Adat Tasi-Tolu no fatin sira seluk. Ina

Lee hotu :   SEFOPE sei kansela traballador kriminozu ba rai-liur

 

Add to Comments Here!!!!

error: Content is protected.
Secured By miniOrange
You might also like:
Xanana tun direta apoia ai-han ba vítima inundasaun

Líder Karismátiku, Kay Rala Xanana Gusmão,...

Estrada Lisbutak kotu totál afeta ba komunidade Munisípiu haat

Estrada públiku iha área Lisbutak, ligasaun...

Inundasaun hamate ema 13 iha Díli no uma kain 1.579 evakua ba sentru evakuasaun

Tuir dadus provizóriu loron 5, fulan...

Close