JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mota sobu uma 68 iha Lemorana, Sakunar husu PR-PM tau matan

Mota sobu uma 68 iha Lemorana, Sakunar husu PR-PM tau matan

Uma 68 iha  Aldeia Lemorana hetan estragu totál  husi Mota-Maloa, tanba ne’e, komunidade afetadu Sakunar Lemorai husu Prezidente Repúblika (PR) Francisco Guterres Lú Olo ho Primeiru Ministru (PM), atu tau matan ba sira-nia problema ne’e.

Akontesimentu trájiku ne’e relasiona ho udan bo’ot ne’ebé mak akontese iha loron Sábadu (04/04/2021) no Domingu (05/04/2021)  foin lalais ne’e hodi provoka inundasaun hodi sobu komunidade Aldeia  Lemorana,  Suku Dare, Postu Administrátivu Verra Cruz, nia uma.

Alende ne’e, mota bo’ot estraga kanu kanalizasaun be’e moos. Tanba ne’e, sira husu Governu atu tau matan ba sira.

“Ha’u seidauk  hetan apoiu ruma husi Governu, ami só hetan apoiu husi komunidade Suku Villa-Verde, no husi ONG balun”,esplika Vítima Dezastre Naturais Ana Dos Santos Lúcia, ba jornalista GMN (09/04/2021), iha Lemorana.

Alénde  ne’e Sakunar Lemorai ne’ebé afetadu hotu ba dezastre naturál ne’e hateten, dadauk ne’e povu hasoru sofrementu  ba COVID-19 no  ba dezastre naturais, tanba komunidade  nia uma hetan estragus no  sasán uma-laran la aproveita.

“Ha’u apelu ba Prezidente  Repúblika no Primeiru Ministru, presiza haree ba povu sira-nia moris, tanba dadauk ne’e povu hasoru ba COVID-19 no dezastre naturais”,dehan  Sakunar Lemorai.

Iha fatin hanesan, vítima Dezastre Naturál, Carlito da Costa, hateten, nia uma hetan estragu husi mota Maloa, maibé  nia rasik seidauk hetan ajudu ruma husi parte Governu.

 “Hafoin akontese inundasaun iha Aldeia Lemorana inklui ha’u-nia uma rasik, kuaze sasán hotu la hasai inklui komunidade nia uma sanulu lakon total, depois komunidade hamutuk 53, ne’e afetadu ho eskala kiik, loloos Governu tenke urjentimente apoiu  terpal ne’e para komunidade ne’ebé lakon sira-nia uma bele hela. Husu mós ba Governu atu normaliza mota ne’e ho lalais”,dehan Carlito da Costa.

Lee hotu :   Ema deskoñesidu asalta jornalista Díli Post

Alende ne’e, tuir dadus  provizóriu husi Sekretaria Estadu Protesaun Sivíl  rejista ema 42 lakon vida durante akontese inundasaun iha kapitál Díli no munisípiu balun.avi

Add to Comments Here!!!!

error: Content is protected.
Secured By miniOrange
You might also like:
Lagoa Tasi-Tolu hasusar komunidade, Xanana promete rezolve

Líder Nasionál Kay Rala Xanana Gusmão,...

AJAR: Governu bo’ok-an tarde responde ba situasaun atuál

Diretór Asia Justice and Rights (AJAR),...

Komisaun E husu Governu rezolve infraestrutura ne’ebé estragus

Prezidente Komisaun E ne’ebé tratas asuntu...

Close