JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: Governu la taka matan ba vítima inundasaun

PM Taur: Governu la taka matan ba vítima inundasaun

Primeiru Ministru (PM), Taur Matan Ruak, hatete, vítima inundasaun ne’ebé kauza husi udan boot iha semana kotuk ne’e Governu sei la taka matan ba sira.

Udan no anin boot ne’ebé akontese iha semana kotuk lori sofrimentu boot ba populasaun iha kapitál Díli no munisípiu balun, hodi hamosu inundasaun hodi estraga uma komunidade nian, sasán, kintál no ema balun lakon vida, tanba impaktu husi rai monu hanehan no balun mota mak lori.

“Família hotu ne’ebé terus nia uma bee lori, sasán lakon durante krize ida ne’e nia laran hatete ba sira katak sira la mesak, ita hotu oituan, oituan kona hotu, maibé ita forte liu tan halo ita hamutuk liu tan luta hasoru dezafiu sira ne’e, ba sira hotu ne’ebé afetadu sira la mesak, klaru Governu la halo milagre, mas buat ne’ebé ami halo, ami bele ami sei halo”, dehan, Primeiru Ministru, Taur Matan Ruak ba jornalista iha Rezidensia PR Farol, Kinta (08/04).

Udan no anin boot ne’ebé akonteste iha semana kotuk, hatodan populasaun sira iha kapitál Díli no munisípiu balun, tanba lakon uma, sasán no ema na’in 42 mak mate, tuir dadus Sekretaria Estadu Protesaun Sívil.

Vítima inundasaun sira ne’ebé refujia ba sentru evakuasaun balun, hetan ona apoiu husi instituisaun Estadu no privada hirak ne’ebé eziste iha kapitál Díli.

Nune’e mos, PM Taur hatete, orsamentu ba infraestrutura ne’ebé hetan estragus, impaktu husi inundasaun dadaun ne’e Governu halo hela ezersísiu.

“Infrestrutura ni’an ami haree hela para halo nusa mak halo ezersísiu mas sei nesesária para husu tan osan ba parlamentu ami sei halo, maibé ami sei halo ezersísiu, tanba ita boot sira hatene dokumentu orsamentu ne’e ba tiha ona mak maka situasaun ida ne’e mosu mais ami halo hela ezersísiu ita nia resposta tenki hahú, tanba dalan laiha dalan barak kotu hotu ona”,dehan.

Lee hotu :   Mandatu PI remata, Alkatiri tenki nomeia Prezidente RAEOA foun

Relasiona ho inundasaun ne’ebé akontese hodi halakon populasaun ninia sasán, Taur deklara, Governu la’os atu apoiu totál ba sasán ne’ebé vítima sira lakon, maibé Governu sei responde tuir forsa ne’ebé iha, no sei deside liu husi reuniaun Konsellu Ministru.

Dalan ne’ebé kotu impaktu husi inundasaun maka hanesan, estrada Fatuahi, estrada Lisbutak ne’ebé ligasaun munisípiu haat hanesan, Aileu, Ainaro, Manufahi, Covalima, no mós estrada ligasaun Tibar no Ermera inklui seluk tan. Ina

Add to Comments Here!!!!

error: Content is protected.
Secured By miniOrange
You might also like:
Vítima inundasaun iha Parókia Balide triste tanba seidauk simu apoiu husi Governu

Vítima afetadu hosi dezastre naturál hamutuk...

Xanana kontinua fó apoiu ba vítima inundasaun sira

Líder karismátiku, Kay Rala Xanana Gusmão,...

USAID sei apoia USD 100.000 ba TL atende situasaun kalamidade

Embaixadór Estadu Unidu Amérika (EUA) iha...

Close