JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur observa direta infraestrutura sira estragus iha Díli

PM Taur observa direta infraestrutura sira estragus iha Díli

Primeiru Ministru (PM),Taur Matan Ruak, akompaña ho Vise Primeiru Ministru, Jose Reis no Ministru Obras Publikas, Salvador dos Reis observa direta infraestrutura sira ne’ebé hetan estragus husi inundasaun iha kapitál Díli.

“Infraestrutura kuaze husi Tasitolu to’o Becora kuaze juta ATus Ida Resin valor, por ezemplu husi kedas ulun to’o kraik moru sustentasaun sira ne’e monu hotu ona, tamba ita hada fatuk de’it, hanesan ema karik ruin laiha halo nusa mak nia bele forte ,ema dehan hanesan o kuu buat ne’ebé o kuda ,hau laos fo sala ba Governu sira uluk ,hau respeita tomak hau la fo sala ba Governu ida ,maibe ida ne’ebé mak halo ita kuu ida ne’e hau hanesan Primeiru Ministru ,responsabilidade tomak husu deskulpa ba hau nia inan aman sira ne’ebé hela iha ne’e,VPM sei lidera hodi tau matan ba infra estrutura iha capital Díli,no mos sira ne’ebé iha liur ne’ebé at ,para halo rekore diak para halo planu diak ba emerjénsia para hadia fatin sira ne’e”, hatete  Primeiru Ministru Taur Matan Ruak ba Jornalista sira, ,Tersa (6/4),  iha ponte Becusse.

Xefe Governu hatete, objetivu governu nian hodi observa infraestrutura ne’ebé hetan estragus husi inundasaun iha Kapaital Díli ne’e, atu rejista hodi halo intervensaun urjente.

Matan Ruak esplika, estrada ponte no bronzon ne’ebé hetan estragus total iha kapital Díli ne’e,  tanba obra sira ne’e laiha kualidade, no balun hada de’it ho fatuk.

Ponte ne’ebé Primeiru Ministru ho ekipa observa maka hanesan, Ponte III, Ponte CPLP, ponte iha Aldeia Moris ba Dame-Ailok laran, Ponte Maufelu Merkadu Becora, ponte Terminal Becora, Ponte Becusse, Ponte Maloa.

Lee hotu :   José Ramos Horta: Halakon kiak iha TL hahu husi ukun nain

Alende ne’e, Xefe Governu ne’e mos vizita estrada ne’ebé hetan estragus hanesan, estrada iha Embaixada Japaun nia oin, estrada Beduku, estrada Manumeta Raihun, estrada diresaun Fatuahi ba Hera, estrada Kasanafar Beduku no estrada sira nebe monu iha Parta Bidau Toko Baru.

Dadus provizóriu ne’ebé iha públika husi ,Sekretáriu Estadu Protesaun Sivíl, ema ne’ebé lakon vida iha inundasaun ne’e hamutuk 34 no ema besik 8000 afetadu husi inundasaun nee.

Haketak Empreza Nasional sira ne’ebé la atende telephone

Primeiru Ministru (PM),Taur Matan Ruak, sei haketak empreza nasionál sira ne’ebé la atende nia telephone , iha situasaun emerjénsia ne’e.

“Hau hakarak apela ba emprezariu sira para sira kolabora, tamba foin dadauk iha situasaun emerjénsia iha Sabadu Dominggu ne’e, iha emprezariu barak taka tiha sira nia telephone la liga, hau haruka dadaun ne’e para identifika emprezariu ida ne’ebé  mak inves de ajuda iha momentu hanesan ne’e ajuda nasaun, mas sira halo fali politika ba ita nia povu ne’e ita la presiza halo politika ,ba dezenvolvimentu ita nia nasaun la presiza politika,politika ne’e povu mak orsida halo , hili Matan Ruak ka Hili Xanana ka ou hili se ne’e sira mak hatene agora ita nian mak ne’e ita ukun ne’e ita servi no emprezariu tenki fo apoiu halo nusa mak hases bee hases ai, para labele afeta ita nia inan aman sira”, dehan Taur Matan Ruak.

Xefe Governu nee mos husu ona ba VPM, ho MOP no ADN para identifika emprezariu sira ne’ebe durante situasaun dezastre naturais ne’e sira lakohi ou sira tenta la koopera, para negosiu ne’e, politika ne’e politika tau buat 2 ne’e ketak ,politika ne’e to’o tempu mak halo, mas tempu ida agora ne’e ita labele kahor ho politika, tamba ne’e ita nia familia inan aman oan terus.

Lee hotu :   Pertamina internasionál fó apoia umanitária ba vítima inundasaun

Xefe Ezekutivu nee fó orientasaun ba Segundu Vise Primeiru Ministru, José Maria dos Reis, Ministru Obras Públikas, Salvadór dos Reis no Diretor Jerál Ministériu Obras Públikas, atu hili naran emprezáriu nasionál balun hodi tau ketak, tamba la atende nia telephone iha situasaun emerjénsia ne’ebé komunidade infrenta Domingu foin lalais ne’e.

Primeiru Ministru apela ba empreza sira atu kolabora ho Governu, hodi tulun komunidade ne’ebé afetadu ba dezastre naturais, liu-liu sirane’ebé lakon hela fatin no sasan estragus total.

Xefe Governu ne’e mós husu emprezáriu sira atu labele mete politika iha situasaun agora, hodi tulun inan aman no maun alin sira ne’ebé  infrenta situasaun difisil ne’e.

Dadus provizóriu ne’ebé iha públika husi ,Sekretáriu Estadu Protesaun Sivíl, ema ne’ebé lakon vida iha inundasaun ne’e hamutuk 34.Tos

Add to Comments Here!!!!

error: Content is protected.
Secured By miniOrange
You might also like:
PM Taur sai ema primeiru simu vasina AstraZeneca

Primeiru Ministru (PM), Taur Matan Ruak,...

SEPS orienta ekipamentu pezadu suru rai buka mate-isin

Sekretaria Estadu Protesaun Sivíl (SEPS) sei...

CVTL evakua inan no bebé afetadu husi inundasaun

Cruz Vermelha Timor-Leste (CVTL) evakua  vítima...

Close