JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sosiedade Sivíl kondena membru PNTL no F-FDTL halo agresaun fizika ba kuarentenáriu sira

Sosiedade Sivíl kondena membru PNTL no F-FDTL halo agresaun fizika ba kuarentenáriu sira

Sosiedade Sivíl (SS) kondena membru Polísia Nasionál Timor-Leste (PNTL) no FALINTIL-Forsa Defeza Timor-Leste (F-FDTL) ne’ebé rasta, tebe no lori gas lakrimujéniu rega ba kuarentenáriu sira iha kuarentena Suai, Covalima no Same, Manufahi.

Sosiedade Sivíl sira halo kondenasaun ne’e, relasiona  ho insidente ne’ebé mak akontese  munisípiu Covalima iha Sábadu (17/04/2021)  no iha Manufahi  Kinta   (15/04//2021), iha fatin kuarentena ba suspeitu  COVID-19  iha fatin rua refere mosu akontesimentu  ne’ebé  Sosiedade Sivíl sira liu husi Redi Defensór   Direitu Umanu, konsidera  la hatudu aktu profisionalizmu   husi ekipa linã frente  husi Sentru Integradu Jestaun Krize no la obdese  mata-dalan  ba evakuasaun  médiku    husi Sentru Integradu Jestaun Krize no Organizasaun Saúde Mundiál no iha indikasaun   violasaun  dereitu umanu  husi ajente  PNTL  no membru F-FDTL iha kuarentena ne’ebé estabelese ona.

“Ne’e duni  kondena maka’as aktu  refere bazeia baze legál balun hanesan  dekretu lei númeru 44/22 de 7 Outobru regulamentu disiplinár Polisiál nian no kondena ho dekretu  númeru 17/2006  no 2006 de 8 Novembru, junta ho kódigu penál artigu 145  kona-bá ofenás Integridade Fízika simples, ne’ebé komete husi ajenti PNTL no F-FDTL. Redi Defensór   Direitu Umanu husu ba Minstru Interiór no Ministru Defeza no Komando PNTL no F-FDTL  atu loke prosesu investigasaun, ne’ebé mak komete iha insidente ne’e, tanba viola  regulamentu disiplinar PNTL no F-FDTL; Husu mós ba Komisaun B trata  asuntu defeza no seguransa  hodi halo intervénsaun halo loke mós investigasaun ba kazu refere, hodi nune’e  bele hatene verdade husi realidade refere”,esplika Koordenadór Advokasia  FONGTIL,  Ivo Colimau Lay  Costa, ba jornalista sira Domingu (18/04/2021), iha Farol, Díli, liu husi konferénsia imprensa.

Lee hotu :   Eis artemarsiais iha Fatumeta deklara hakribi violénsia

Redi Defensór   Direitu Umanu mos husu ba PDHJ  hodi nune’e bele garante  boa governasaun  no direitu humanus  ba komunidade ou pasiénte ne’ebé mak kuarentena hela iha munisípiu rua.

“Husu mós ba líder nasionál no Karismátiku Kay Rala Xanana Gusmão, ne’ebé deklara iha  Verra-Cruz katak iha data 15 Abril  sei apoiu Governu  hodi halo sensibilizasaun kona-bá mitigasaun  COVID-19 ba komunidade  tomak iha Timor-Leste, hodi nune’e bele garante mitigasaun ba pandémia refere ho diak, atu nune’e infiltrasaun  husi pandémia ne’e labele to’o iha munisípiu  ne’ebé  agora zero ba kazu surtu COVID-19”,dehan Ivo Colimau Lay  Costa.

Alende ne’e ativista  Direitu Umanu,  Novelino dos Reis, konsidera, Administradór Munisípiu Manufahi, Arantes Isaac Sarmento, maske tuun ba iha terrenu hodi halo intervensaun, maibé nia rasik viola regra protokolu husi  Saúde, tanba la uza máskara iha públiku nia matan.

“Relasaun ho Administradór Munisípiu Manufahi,  Arantes Isaac Sarmento, tuir Redi Defensór   Direitu Umanu  nia haree katak,   ita halo komparasaun simples ida hanesan atu sai hanesan  bibi-atan  atu hanorin nia sarani sira, mas nia rasik la kumpri regra, porque de faktu ita haree iha fotografia no videografia ne’ebé espalla iha públiku nia ba hanorin ema atu kumpri ba regra protokolu, maibé nia rasik la uza máskara, ida ne’e problema, ne’e hatudu ezemplu la diak. Iha sorin seluk atu hateten tan katak dala ruma nia konsentra  ho nia atuasaun ne’e mós dalan ba mediasaun para hetan negosiásaun ida  mais solusaun para bele  fó klareza, maibé  tuir ami nia haree sala, la’os  ho interasaun ida voz mais alto  komunikasaun violentu, tanba nia voz ne’e fó presaun psikolójikamente iha sala izolamentu, ha’u hanoin presiza hadia”,dehan Novelino.

Lee hotu :   PR dekreta EE ba dala 11, Kovalima kontinua lockdown no Bobonaro livre

GMN halo ona konfirmasaun ho Porta-Voz PNTL, Superintendente Xefe Arnaldo Araújo, via telefone, maibé Porta-Voz  hatán seidauk simu relatóriu husi  Komando PNTL, munisípiu Covalima.avi

Add to Comments Here!!!!

error: Content is protected.
Secured By miniOrange
You might also like:
SEPS koopera ho família vítima inundasaun buka tuir mate-isin

Sekretaria Estadu Protesaun Sívil (SEPS), kontinua...

Embaixadór EUA ba TL ho Horta vizita Xanana iha Lagoa Tasi-Tolu

Eis Prezidente Repúblika, José Ramos Horta...

COVID-19: Kazu konfirmadu foun 70

Koordenadór Forsa-Tarefa bá Prevensaun no Mitigasaun...

Close