JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor-oan iha Reinu Unidu husu sidadaun sira labele tauk simu vasina AstraZeneka

Timor-oan iha Reinu Unidu husu sidadaun sira labele tauk simu vasina AstraZeneka

Timor-oan iha Nasaun Reinu Unidu, husu bá sidadaun iha Timor-Leste, labele tauk bainhira hetan oportunidade atu simu vasina AstraZeneka.

Relasiona ho Vasina Astrazeneka ne’ebé Governu Timor-Leste liuhosi Ministériu Saúde (MS), serbisu hamutuk ho Organizasaun Saúde Mundiál (OMS), deside hodi uza vasina astrazeneka ba nia povu, hodi kombate pandemia coronavírus iha Timor-Leste.

Tanba ne’e timor-oan iha nasaun Reinu Unidu, Munisípiu Oxford husu populasaun iha teritóriu timor-leste, atu labele tauk simu vasina astrazeneka, bainhira governu implementa, tanba laiha impaktu negativu hosi vasina refere.

“Ami simu vasina ami sente di’ak hotu la hetan moras no hanesan kauza negativu boot ruma mai hosi vasina no komplikasaun hamosu hosi vasina ne’e, ami hakarak partilla ami nia esperensia ami simu ona vasina no hakarak hato’o korajen tomak maluk sira no família hotu iha timor katak labele tauk bainhira imi hetan oportunidade atu simu vasina hodi ajuda ita nia imunidade atu nune’e keta hetan virus nia komplikasaun”, dehan, Timor-Oan iha Reinu Unidu,  Rosália da Costa iha Oxford, Domingu (04/04).

Nune’e mós, Timor-Oan iha Reinu Unidu, Lúcio da Sílva esplika, reasaun hosi vasina astrazeneka hanesan baibain kompara ho vasina seluk, no apela ba sidadaun iha timor-leste labele fiar boatus ne’ebé lansa iha rede sosial.

“Ha’u simu ona vasina ba COVID-19 astrazeneka reasaun normal hanesan iha daun kona moras mais ha’u laiha reazaun maka’as sintomas laiha, ne’ebé husu ba timor-oan iha ne’e timor-oan barak simu ona, ha’u husu ba populasaun iha rumoris sai tanba ba simu de’it lalika tauk”.

Augusto Sequeira mós hatutan, labele trauma atu simu astrazeneka, tanba iha ona sientista balun identifika no hatudu provas katak, ema hotu bele uza iha mundu tomak hodi luta hasoru coronavirus.

Lee hotu :   Diákonu Donato simu ordenasaun sai Nai Lulik

“Ha’u husu ba maluk sira iha timor li-liu ba ita nia maluk sira hotu hosi rai ulun to’o rai ikun keta tauk atu simu vasina astrazeneka, tanba astrazeneka iha ona sientista identifika iha ona provas katak bele simu iha mundu tomak ne’e duni imi lalika tauk sintomas ne’e hanesan babain, ita simu ita hetan isin manas hetan moras oituan iha fatin ne’ebé sira vasina ba kona-ba komplikasaun ne’e laiha”.

Vasina Astrazeneka, ne’ebé ministériu saúde sei implementa dahuluk ba ekipa liña frente sira ne’ebé durante ne’e halo serbisu iha ámbitu surtu covid-19, hanesan Pessoal Saúde, PNTL, F-FDTL no Jornalista sira. Ina

Add to Comments Here!!!!

error: Content is protected.
Secured By miniOrange
You might also like:
Natar hektare 100 resin hetan estragus totál iha Purugua

Komunidade Aldeia Lesupu, Suku Purugua, Postu...

Erozaun iha Maubisse, hamate ema na’in 5

Udan ho intensaun boot ne’ebé akontese,...

Inundasaun estraga fasilidade protesaun no medikamentu balun iha SAMES

Inundasaun ne’ebé akontese iha sábadu no...

Close