JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vítima inundasaun Hera husu Governu fó apoiu ai-han

Vítima inundasaun Hera husu Governu fó apoiu ai-han

Komunidade Aldeia Halidolar, Suku Hera, Munisípiu Díli, husu bá Governu rezolve urjentemente mota Lekiluak ne’ebé estragus kauza hosi inundasaun, nune’e mós komunidade sira husu ba Governu fó apoiu ai-han inklui apoiu fatin bá sira.

Tanba udan no anin bo’ot ne’ebé akontese iha semana kotuk estraga mota lekiluak, iha Aldeia Halidora, suku Hera, nune’e komunidade area refere husu ba Governu liu-liu ministériu kompetente hodi hadia urjente mota refere.

“Ami prejiza Governu urjentemente resolve tiha mota Lekiluak, par populasaun hodi moris se lae ami atu moris oinsa. Ne’ebé ami husu importante bá mota ne’e”, afirma komunidade Hera, Joaquim Monteiro Sola, iha Hera Tersa, (06/04/2021).

Alende komunidade sira mós husu bá Governu atu tau matan ba sira nia natar hektare atus ida resin, ne’ebé hetan estragus totál.

“Ami komunidade liu-liu suku hera kuaze kona hotu, husu bá Governu no Estadu para oinsa atu bele normaliza ita nia mota ne’e hanesan baibain para ami povu ne’ebé vítima kona-bá inundasaun ne’e bele halo fali ami nia atividade hanesan baibain, ida ne’e mak ami husu bá Governu ne’e urjente labele kleur demais”.dehan.

Komunidade Rui esplika, maske situasaun ne’ebé sira hasuru todan, maibé to’o agora ladauk halo kontaktu ho autoridade lokál sira no sira rasik mós labele halo komunikasaun ho autoridade, tanba telemóvel la funsiona kauza hosi eletrisidade mate.

Nune’e m’os komunidade Aquelina da Costa, nu’udar komunidade Aldeia Halidolar, Suku Hera, ho matan be’en husu bá Estadu atu ajuda urjénsia ba sira, tanba kauza hosi udan no anin iha semana kotuk liu bá ne’e estraga sira nia sasan uma laran inklui hela fatin.

Lee hotu :   Estadu estende tan EE implika vendedór ambulante nia sasán la folin

Vítima inundasaun refere, ho matan hodi espresa sira nia problema, tanba laiha ai-han loron-loron ba sira hodi aguenta moris no mós laiha mahon no fatin maran ba sira hodi helik-an ba iha situasaun atuál.

Aquelina ho idade avansadu ne’e, ho nia membru sira, to’o agora laiha ai-han ba sira hodi responde nesesidade, tanba foos no sasan hotu hoban ho udan bo’ot ne’ebé akontese foin lalais ne’e.

“Kalan ami toba, hader mai tuku 04:00 mota nakonu tiha uma laran ami halai sai labele ami nia sasan la aproveita hotu, ami halai sai labele ona sa’e rai lolon mós labele ona, sasan uma laran la hasai, husu governu tau matan ba ami ida agora dezastre hanesan ne’e Governu tau matan bá ami, tanba ami nia sasan la aproveita hotu ona”, Aquelina da Costa.

Nune’e mós komunidade, Manuela da Costa Fernandes, husu ba Governu atu lalika preokupa ho koronavírus, maibé tenki tau atensaun urjente ba sira, tanba agora dadauk sira laiha ona buat hotu, tantu osan no sasan seluk.

Maske sira hasuru situasaun difísil, maibé to’o agora seidauk iha ema ruma mak ba haree direta sira nia terus no susar ne’ebé sira hasuru, kauza hosi inundasaun ne’ebé akonteste iha semana kotuk.

“Ami família iha uma laran na’in 6, sasan ami lakon osan moos ami lakon ba hahan, osan ami mós la hatene sasan uma laran uma mós sobu ami Estadu haree rasik ba 5 cent ida mós ami la hetan agora bo’ot sira mós sibuk de’it ba korona haree lai natureza ne’e, sibuk mak ami nia sasan ne’ebé lakon husu ba bo’ot sira bele ajuda ami, tau matan hela ba ami, favor bo’ot sira tau matan ba dezastre iha natureza nia laran”,dehan Manuela.

Lee hotu :   CEFTEC kapasita FP iha área komunikasaun, relasaun publikas no protokolu

Vítima inundasaun Suku Hera, Francisco Augusto Belo mós esplika, sira nia uma no sasan la salva, tanba mota lekiluak korente mak sobu totál sira nia sasan hotu, nomós sira nia uma. Mota refere la’os sobu de’it komunidade nia uma, sasan no kintál, maibé halakon mós komunidade na’in ha’at nia vida, no to’o oras ne’e hetan ona matebian na’in 3 no na’in ida seidauk hetan ho idade fulan sia.

“Ami hakfodak mai iha tiha bee laran sasan ami nunka hasai ida uma rahun hotu sasan nunka, tun ba ami nia maun alin iha tasi ibun mak lori ema na’in 3 mate mate isin hetan na’in tolu ida mak seidauk hetan, husu governu haree mota ne’e para labele estraga ami nia uma, ami nia ai-horis, ami nia to’os ami nia moris maka ida ne’e”.

Observasaun GMN iha suku Hera, alende natar komunidade hektare atus ida resin, kantaireru populasaun nian mós estragus totál ne’ebé nakonu ho modo oi-oin, iha ne’ebé agrikultor sira foin kuda no balun sira kesi ona atu lori mai fa’an iha merkadu taibesi.

Nune’e mós to’o agora korente mota Lekiluak, suku Hera sei maka’as no fó ameasa bá populasaun iha área refere.

GMN observa mós iha Aldeia Halidolar, Suku Hera, Postu Administrativu Kristu Rei nota, komunidade hela de’it iha viziñu nia uma no balun tenke hela de’it iha to’os laran, no mota ninin, tanba laiha kondisaun seguru ba sira.

Alende ne’e komunidade sira tenke uza be’e foer iha mota laran hodi fase sira nia hena ne’ebé hafalun ho tahu dodok. Ina

Add to Comments Here!!!!

error: Content is protected.
Secured By miniOrange
You might also like:
Kazu mortál COVID-19 iha TL ba dahuluk feto ida

Família rekoñese Francisca Gama mate tanba...

Timor-oan iha Reinu Unidu husu sidadaun sira labele tauk simu vasina AstraZeneka

Timor-oan iha Nasaun Reinu Unidu, husu...

Natar hektare 100 resin hetan estragus totál iha Purugua

Komunidade Aldeia Lesupu, Suku Purugua, Postu...

Close