JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vítima inundasaun iha Parókia Balide triste tanba seidauk simu apoiu husi Governu

Vítima inundasaun iha Parókia Balide triste tanba seidauk simu apoiu husi Governu

Vítima afetadu hosi dezastre naturál hamutuk 200 resin hosi Aldeia 05, Suku Maskariñas, ne’ebé hela iha Parókia Balide, sente triste tanba to’o agora seidauk simu apoiu ruma hosi Governu.

“Ami agradese ba Padre Párokia, tanba bele simu ami mai iha fatin ida ne’e. Ami triste tebes tanba haree ba ami-nia oan kiik sira, ne’ebé to’o agora sira sei trauma hela ho rai-monu. Apoiua ida husi Governu seidauk”, dehan  vítima Joviana Maria Santos, ba JN-Díario, Kuarta (07/04/2021), iha Balide Díli.

Vítima ne’e haktuir, durante loron haat ona hela iha Parókia Balide, seidauk hetan apoiu ruma hosi Governu, tanba ne’e sira han no hemu depende deit ba Madre sira, ne’ebé tein hodi oferese ba sira.

“Ami la preokupa ho hahán tanba agora Padre no Madre sira sei fo han hela ami, maibé ami preokupa mak bainhira fila ba uma hahán laiha ona, tanba fós ne’ebé iha uma hela oituan deit, impaktu hosi durante serka sanitária ami labele la’o sai ba sosa sasán”,afirma Joviana.

Nia hatutan, tanba ne’e sira husu ba Governu atu tau matan netik ba, ne’ebé oras ne’e hela provizoriu iha Parókia, hafoin udan bo’ot iha loron 3 to’o loron 4 fulan Abril, halo rai monu hanehan uma komunidade sira nian.

Iha fatin hanesan, Vítima Rosa de Jesus dos Santos, hatete, sira hotu triste tanba hafoin hetan dezastre no oras ne’e hela hanesan refujiadu iha Parókia Balide, maibé to’o agora seidauk hetan apoiu ruma hosi Governu.

“Ami husu ba Governu atu fó apoiu emerjénsia hanesan ai-han no material konstrusaun sira, nune’e bele han auguenta no bele hadia hikas uma ne’ebé hetan estragus atu ba hela fila-fali, nune’e bainhira Padre Paroko haruka ami fila ami bele iha ona uma diak no iha oan aihan atu han”.dehan nia.

Lee hotu :   UE kontinua hametin kooperasaun ho TL

Paróko Balide, Graciano Santos Barros, hatete, família vítima sira deside mai hela iha Parókia tanba sira-nia uma hetan estragus rai taka uma, entaun hosi Parókia rasik fasilita fatin ba vitíma sira atu hela provizoriu.

“Kalan mak família sira mai toba, maibé loron sira ida-idak fila ba uma atu hamoos sira-nia uma no labarik sira mak halimar iha ne’e ho Madre sira hodi halibur sira. Konaba sira nia hahan lor-loron hosi Parókia mak oferese tanba Madre sira mak tein”,subliña Padre Graciano.

Padre Graciano hatutan, Parókia fó foos, suprimie, manu tolun ba Madre sira nune’e Madre sira bele tein prepara dader, meudia no kalan lori mai oferese ba vítima sira. Durante loron 4 ona vitíma sira hela iha Parókia Balide Ajensia Internasionál hosi UNICEF mak fó apoiu maibé la’ós ai-han, sira apoia mak máskara no handsanitizer.

“Husi Governu seidauk fó apoiu ruma, entaun provizoriamente povu ho povu mak ajuda malu hodi tulun foos, supermie no sasán ba labarik sira ne’ebé presiza. Agora dau-dauk Parókia iha hahán sufisiente atu fó ba vitima sira, maibé kuandu vítima sira fila ba uma hosi Parókia laiha kbi’it atu fó tuir ai-han”.dehan Padre Graciano.

Maibé hosi Parókia sei identifika uluk karik iha família balun, ne’ebé susar liu entaun hosi Parókia sei haree hodi fó apoiu.

Enkuantu, vítima ne’ebé oras ne’e hela iha Parókia Balide, hamutuk família uma kain 35 ho totál ema 200 resin, no vítima hirak ne’e hosi Aldeia Zero Cinco Suku Maskariñas.Fel

Add to Comments Here!!!!

error: Content is protected.
Secured By miniOrange
You might also like:
Xanana kontinua fó apoiu ba vítima inundasaun sira

Líder karismátiku, Kay Rala Xanana Gusmão,...

USAID sei apoia USD 100.000 ba TL atende situasaun kalamidade

Embaixadór Estadu Unidu Amérika (EUA) iha...

Lere: Ita labele kritika malu tun-sa’e

Xefe Estadu Maiór  Jenerál  F-FDTL Tenente...

Close