JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vítima inundasaun uma-kain 42 sei hela iha Dom Bosco

Vítima inundasaun uma-kain 42 sei hela iha Dom Bosco

Vítima inundasaun uma-kain hamutuk 42,  kontinua hela iha salaun Dom Bosco, tanba sira-nia uma hetan estragu totál.

Vítima inundasaun sira hela Dom Bosco,  hafoin akontese udan bo’ot iha Domingu (04/04/2021) to’o Segunda (05/04/2021).

Vítima inundasaun sira  ne’e kategória ba tolu mak hanesan uma  mota lori, rai taka no be’e tama hanesan akontese  iha Lagoa Tasitolu, ba  vítima sira  hela iha Masalidun no Joào Paolo II.

Hare’e vítima inundasaun  ne’ebé  mak  hela barak iha Salaun Dom Bosco, Diretór   Sentru Formasaun  Dom Bosco   Adriano Maria de Jesus, ho alunus Sentru Dom Bosco hari tan uma ida   ba iha vítima inundasaun sira hamutuk uma kain sanulu resin neen hodi hela provezóriu.

“Uma ne’e ami halo ba ema uma kain  sanulu resin neen, maibé realidade  katak, família uma kain hamutuk hat nulu resin rua, restu hare’e oinsá governu bele realiza nafatin atu lori sira ba eskola 30 de Agostu, maibé depende  ba governu se hakarak iha Dom Bosco governu tenki  buka lona no material monta  hodi hela”,esplika Diretór   Sentru Formasaun  Dom Bosco   Adriano Maria de Jesus, ba GMN Kinta (29/04/2021), iha Dom Bosco Comoro.

Uma ne’e konstrui hahú iha Sabádu (24/04/2021) husi  alunus Sentru Formasaun Dom Bosco no mestri sira. No uma nia luan metru sanulu resin rua no  naruk  metro tolu nulu.

Adriano Maria de Jesus hateten, inisiu  enkontru reprezentante Governu ho vítima inunsaun sira,  governu  planu planu atu muda vítima inundasaun hamutuk uma kain  16 ba iha Eskola 30 Agostu Comoro.

Tan ida ne’e mak planu  Diretór Jerál protesaun Sivíl nian mai  hato’o ba iha populasaun  no iha tempu ne’ebá aseita  atu ba, maibé loron tuir mai família ums kain 16 senti la seguru  atu muda ba iha eskola 30 Agostu.

Lee hotu :   FRETILIN husu meja PN halo leitura karta lamentasaun husi PR ba deputadu Guntur

“Entaun vítima sira mai husu ami Salesiano sira, rai ne’ebé ami hatetuk ona  sira bele hari tenda rasik  buka kalen hodi taka, entaun ami Salesiano sira hanoin  hodi halo uma temporáriu ida ne’e ba família vítima uma kain 16 iha.  Nune’e ami hanoin oinsá  halo uma temporáriu ne’e ba sira. Ami espera katak, semana  ne’e ka semana oin bele remata ami bele muda sira mai iha fatin ida ne’e”,dehan  Adriano Maria de Jesus.avi

 

Add to Comments Here!!!!

error: Content is protected.
Secured By miniOrange
You might also like:
Tilman fiar PJR foun sei aselera prosesu ne’ebé sai polémika iha públiku

Jurista Timor-Oan Manuel Tilman, iha esperansa...

MPLM husu Governu aselera ezekusaun OJE 2021

Movimentu Popular ba Libertasaun Maubere (MPLM)...

PR fó pose ba Alfonso Lopes lidera PJR ■Promete kombate kriminalidade organizada no korrupsaun

Prezidente Repúblika (PR), Francisco Guterres Ló...

Close