JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana: Protokolu OMS mate ba COVID-19 bele hakoi tuir kultura

Xanana: Protokolu OMS mate ba COVID-19 bele hakoi tuir kultura

Reprezentante Organizasaun Mundiál Saúde (OMS), hasoru líder nasionál Kay Rala Xanana Gusmão, iha resintu sala izoalamentu Vera Cruz, Díli, Kuarta (14/4/2021), hodi hato’o karta kona-ba protokolu OMS nian iha ne’ebé ema ne’ebé mate ba COVID-19 bele hakoi tuir kultura ka tradisaun kada nasaun ida ninian adopta.

Reprezentante OMS iha tuku sia liu dadersan ne’e hasoru malu ho Xanana Gusmão, ne’ebé hein hela mate-isin, hafoin kalan rua ona toba iha estrada-klaran sala izolamentu Vera Cruz ninian.

Iha sorumutu ho Xanana Gusmão ne’e, reprezentante OMS entrega karta OMS ne’ebé ho nia konteodu kona-ba prevensaun, infesaun no kontrolu jestaun vida seguru, ba mate-isin iha kontéudu prevensaun COVID-19.

Xanana esplika, reperzentante OMS nia surat hirak ne’e kona-ba COVID-19 hanesan kona-ba tratamentu ba ema ne’ebé hetan COVID-19 nomos atendimentu ba ema ne’ebé mate ho COVID-19.

“Ohin (Horiseik) señor ida husi WHO (sigla-Inglés) katak husi organizasaun nian buat hot-hotu kona-ba COVID-19. Iha kedas ne’e temi kona-ba konsiderasoens importante ne’ebé tenke atende kona-ba tratamentu kona-ba COVID depois kona-ba ema ne’ebé mate ho COVID. Iha ne’e dehan katak iha asumsaun komun ida katak, se mak mate ho COVID tenke ba sunu tiha, ne’e konforme kultura, hanesan ita dehan Hindu sira sunu deit, ne’e konforme kultura, labele obriga ema ida. Ida fali dehan ba seguransa ba ema hotu-hotu familiares ka la familiares medidas ka normas  kona ba seguransa ne’e  tenke kumpri, depois ba dignidade ba ema ne’ebé mate tuir kultura, tuir tradisaun ho sira-nia família sira buat sira ne’e tenke respeita. Ne’eduni se mak mate ho COVID bele halo tuir buat sira ne’e hotu mas ho regras didiak para labele transmite. Señor ne’e hanoin dehan katak, ha’u seidauk haree. Ha’u haree tiha ona komunika ho sira iha neéba be haú agradese ba nia (reprezentante OMS). Ha’u esplika ba nia katak, ne’e la’ós problema ida ha’u atu manan buat ruma, ha’u atu hatún buat ruma, lae. Problema ha’u koalia kona-ba boa prátika kona-ba COVID-19”,dehan Kay Rala Xanana Gusmão.

Lee hotu :   Labarik mane nain rua mo’ut iha tasi

Alénde ne’e, Minsitra Saúde, Odete Freitas, mós hasoru malu ho líder nasionál, Kay Rala Xanana Gusmão, hafoin hala’o vizita pasiente sira iha sala izolamentu Vera Cruz.

Iha okaziaun ne’e, Xanana hatudu nia maturidade haraik-an maske antes ne’e Xanana ho Ministra Saúde konsege haksesuk malu.

“Ita la’ós hirus malu, la’ós atu hatún malu ka ne’e lae. ‘Ministra Saúde hatán’ saida mak maun hato’o, ha’u kumpri. Obrigado ba kompriensaun tanba la’ós atu hatún ka ne’e lae, tanba buat ne’e (COVID) bele halo ita mate”,dehan Xanana.

Ministra Saúde, Odete Belo, hateten, desizaun kona-ba mate-isin atu lori ba hakoi iha Metinaro ka entrega ba família, Konsellu Ministru mak sei deside.

To’o oras ne’e, Xanana mantein nia pozisaun hodi hein mate-isin Armindo Borges ne’ebé to’o ohin loron iha hela sala izolamentu vera Cruz. GMN

 

Add to Comments Here!!!!

error: Content is protected.
Secured By miniOrange
You might also like:
Desizaun entrega mate-isin Armindo Borges iha PM Taur nia liman

Polémika matebian Armindo Borges nian ne’ebé...

Evita problema iha kapitál Díli, PNTL apela komunidade tuur hakmatek

Polísia Nasionál Timor-Leste (PNTL), apela ba...

Prevene inundasaun iha Díli, Governu presiza reurbaniza komunidade

Diretór Ezekutivu Fundasaun Haburas, Pedrito Vieira...

Close