Konfinamentu obrigatóriu haterus povu, motorista sira husu apoiu ai-han ba Xanana

Durante aplika Estadu Emerjénsia ba da-XIII, serka sanitária troka malu ho konfinamentu obrigatóriu (KO) hodi prevene COVID-19, maibe Estadu rasik haterus povu kiik sira atu bele buka moris hodi hadia ekonomia uma-laran, tanba ne’e motorista transporte públiku sira husu apoiu ai-han ba líder karismátiku, Kay Rala Xanana Gusmão.

Nune’e iha Kuarta (5/5/2021), motorista transporte públiku sira hamutuk 35 hakbesik-an ba rezidénsia Xanana Gusmão iha Bidau, Lecidere, hodi husu apoiu nesesidade bázika, tanba Governu la fó apoiu ba sira hodi aguenta iha tempu konfinamentu obrigatóriu, iha ne’ebé atividade ekonómiku hotu kuaze paradu totál.

Tuir porta voz trasporte públiku, Júlio Soares Quintão, iha implementasaun estadu emerjensia ba da-XIII hodi daet to’o konfinamentu obrigatóriu oras ne’e dadauk, Governu promete atu fó apoiu ba kondutór sira liu husi Ministériu Solidaridade Sosiál, maibé to’o agora apoiu ne’e laiha.

Nune’e kondutór sira  ho inisiativa rasik hasoru líder karismátiku, Kay Rala Xanana Gusmão  hodi husu tulun. Tanba nia mak hanesan ema ne’ebé hadomi povu no nasaun ida ne’e.

“Ami mai iha Avo Xanana nia hela fatin Lecidere ne’e, no ami ne’e mesak motorista deit, ne’ebé iha serka sanitária ne’e husi Estadu atu prevene moras COVID-19, maibe ami ne’ebé lori transporte públiku ne’ebé kondus kareta iha públiku. Ami haree konsellu ministru deside dehan, bainhira imi iha difikuldade ruma ba iha Ministériu Solidariedade Sosiál Inkluzaun atu bele hetan nesesidade bázika, ami ba iha ne’eba ami bazeia ba konsellu ministru nia desizaun, maibe ami ba iha neba sira fó tiha modelu halo proposta iha Gabinete Ministra ninian halo tiha ba sira haruka tun-sae deit no ba iha neba sira la atende ami, entaun ami sente ida ne’e difikuldade ba ami, entaun ami mai iha Avo Xanana nia hela fatin iha ne’e atu husu ba nia atu ajuda ami. Maske nia la tama iha estrutura Governu, maibe nia ami konsidera hanesan ami-nia aman. Liu husi nia ajuda ida ne’e atu hatudu ba Estadu katak, ema ne’ebé baibain deit maibe nia iha fuan bo’ot atu ajuda iha tempu difisil ida ne’e, nusa mak Estadu labele ajuda povu bainhira ahkbesik-an ba Ministériu Solidariedade Sosiál. Iha nasaun sira seluk bainhira ema halo ona serka, Estadu nia planu ba povu neé sempre iha, maibe ita Timor nian, serka tiha maibe laiha atendimentu ba povu ninia presiza. Se karik hanesan hanesan Estadu sira serka tiha sira lalika halo servisu depois fulan-fulan lalika simu osan oinsa sira nia moris iha uma-laran, haú sira mos araska a’at liu doque ami”,dehan  Julio Soares Quintão ba GMN, Kuarta (5/5/2021), iha rezidénsia Xanana Gusmão, Lecidere, Díli.

Motorista sira lamenta tebes, tanba  Governu deside hodi aplika Estadu Emerjénsia, no serka sanitária troka malu ho konfinamentu obrigatóriu,  maibé laiha atendimentu ida di’ak ba populasaun sira, no ida ne’e lamentavel.

Julio Soares relata, sira la kontra desizaun Governu hodi aplika Estadu Emerjensia no serka sanitária, maibe tenke tau atensaun ba komunidade kbiit laek sira.Nes

Leave a Reply

Your email address will not be published. Required fields are marked *