Maske hasoru terus, Xanana husu povu tomak labele rende

Líder karismátiku, Kay Rala Xanana Gusmão, husu ba povu tomak atu labele rende, maske hasoru terus no susar iha situasaun atuál ne’ebé falta buat bar-barak hodi sustentabiliza ekonomia uma-laran, tanba impaktu husi dezatre naturál no mos pandemia COVID-19.

Antigu líder rezisténsia ba libertasaun nasionál, Xanana Gusmão, lia tun tan katak, maske situasaun oras ne’e dadauk araska iha fatin-fatin, maibe husu nafatin ba povu tomak atu labele triste, maibe nafatin luta hodi enfrenta kualker saida deit mak atu akontese.

“Oooh maromak bo’ot, oohh rai-lulik, matebian sira tulun ami ba. Problema COVID-19 iha mundu tomak, iha ita-nia rai-rasik hasoru problema, ita tenke simu situasaun ida ne’e ho laran-bo’ot, ita tenke simu nafatin hodi hatudu katak saida deit mak atu akontese. Iha tinan 24 hatudu tiha ona mate liu 200.000, ita hatudu tiha ona katak povu ida ne’e bele hatán ba buat hotu-hotu. ohin loron mai fali koko fali ita, ita hatudu nafatin katak povu ida ne’e nafatin hamriik metin”,dehan Xanana Gusmão, Kuarta (12/5/2021), iha Masin-Lidun, Tasi-Tolu, Díli, bainhira fulan ida resin tulun komunidade sira iha area refere hodi normaliza bee Lagoa, hadia Estrada ne’ebé bee sa’e nakonu, no moos fernese bee-moos ba komunidade sira iha ne’ebé susar be bee-moos.

Xanana mós husu ba komunidade atu hasa’e orasaun ba Timor-oan sira ne’ebé durante hamutuk ho nia hodi fó apoiu ba maluk Timor-oan sira ne’ebé afetadu husi dezastre naturál iha Tasi-Tolu no fatin sira seluk.

Nune’e mos, komunidade afetadu iha Masin-Lidun, Tasi-Tolu, agradese ba líder karismátiku, Kay Rala Xanana Gusmão, tanba ho Xanana nia esforsu tomak ohin loron komunidae iha masin-lidun bele asesa ona dalan, ne’ebé hetan estragus husi dezastre naturál ne’ebé akontese iha fulan kotuk.

Reprezentante komunidade Masin-Lidun, Tasi-Tolu, Lorenço Menezes, hato’o agradese  ba Xanana, tanba finaliza ona dalan hodi fasilita komunidade  atu halo movimentu ba-mai.

Komunidade iha Masin-Lidun promete sei hasa’e orasaun ba aman maromak hodi haraik nafatin grasa isin diak vida naruk nafatin ba Xanana, nune bele tau matan ba povu Timor-Leste.

“Be’e ne’e uluk sa’e maka’as agora menus no estrada ne’ebé iha halo ita la’o ba-mai ho di’ak. Ida ne’e mak ami hato’o agradese ba Maun Bo’ot Xanana, ami laiha rikusoin atu fó ba Maun Bo’ot Xanana, maibe ami hasa’e orasaun ba maromak atu tulun Maun Bo’ot. Ita iha área rurais ne’e ema (Governu) hateke lahetan, durante fulan ida resin ita iha ne’e, ema ida nunka haree ita, so Maun Bo’ot Xanana mak mai hamutuk ho ita, tulun ita”,dehan  reprezenta komunidade, Lorenço Menezes.

Iha fatin henesan, lider karismátiku Kay Rala Xanana Gusmão husu komunidade atu labele agradese ba nia, maibe agradese ba Timor-oan sira ne’ebé durante ne’e fó apoiu ba nia hodi finaliza servisu hotu iha área refere.

“Labele agradese deit ba ha’u, tanba ha’u mesak labele halo buat ida, ba maluk hot-hotu ne’ebé ho laran luak, rona katak, ha’u hasai hanesan prioridade mai ajuda populasaun ne’ebé afetada iha Tasi-Tolu, sira mos rona hodi dehan, ami sei la’o ho Maun Bo’ot, ne’e maka ita tenke agardese ba sira, ho sira-nia laran luak, ho sira-nia domin, mak ohin loron ladun diak, maibe hakat liu ona buat balun ne’ebé ladun diak”,dehan Xanana.

Komunidade Masin-Lidun, Tasi-Tolu ne’ebé durante ne’e utiliza bero hodi halo movimentu ba-mai, dadaun ne’e bele asesu hikas estrada ne’ebé durante ne’e nakonu ho be no mos tahu. Nes

Leave a Reply

Your email address will not be published. Required fields are marked *