MSSI iha medida neen apoia empresa sira

Ministériu Solidariedade Sosiál no Inkluzaun (MSSI) iha ona medida neen kona-ba apoiu empregu sira, iha ne’ebé Governu hamosu hodi tulun traballdór no empreza sira, ne’ebé afetadu husi pandemia COVID-19, hodi la hala’o atividade normál hahú hosi fulan Marsu.

“Hakarak komunika ba empreza sira, emprezáriu individual, traballadór ho konta rasik, traballadór servisu doméstika no sira ne’ebé lakon servisu dezempregu ne’ebé rejista iha Institutu Nasional Seguransa Sosiál (INSS) no mós sira ne’ebé hakarak inskreve hafoin diploma ne’e vígora iha territóriu Timor”,dehan Ministra Solidariedade Sosial no Inkluzaun, Armanda Berta dos Santos, liuhosi konferénsia ba imprensa, Segunda (10/05/2021), iha Kaikoli, Díli.

Ministra Armanda, hatete, implementasaun ba programa apoiu empregu ne’e hala’o hosi INSS, hahú iha loron 10, fulan Maiu, tinan ne’e, no apoiu refere la inklui ba entidade setór públiku sira.

Prezidente Institutu Seguransa Sosial (INSS), Longuinhos Armando, esplika, depois Parlamentu Nasionál (PN) aprova orsamentu retifikativu no Prezidente Repúblika, promulga, Governu iha apoiu ba empregu sira ho medida neen (6), ne’ebé apoiu primeiru mak sei fó subsídiu estra-ordináriu ba traballdór ho ema konta seluk nian, subsídiu estra-ordináriu ba traballdór ho konta proporiu, empreza individuál no traballdór doméstiku sira.

“Ita sei fó despensa konstribuisaun porsentu 6, subsídiu estra-ordinaria ba dezeempregu porsentu 40, subsídiu estra-ordinaria ba eletrisidade porsentu 50 no subsídiu estra-ordinaria renda porsentu 30, ne’ebé apoiu ba empregu sira, ita sei iha medida 6”,dehan.

Longuinhos Armando, afirma, tuir lei númeru 14/2020 29 Dezembru artigu 3 hatete katak, durante loron 15 sura hosi loron 4  ba oin  to’o loron 15, lei 14/2020 tuir lei vigor, ohin bele hahú ona halo rejistu iha Seguransa Sosiál.

“Ita agora sei iha konfinamentu domisiliáriu, nune’e INSS estabelese ona email no

WhatsApp hodi atende pedidu inskrisaun. Apoiu agora nia medida la hanesan ezemplu, apoiu subsídiu extra-ordinaria ba traballdór ho ema konta seluk nian ho apoiu porsentu 70 subsídiu extra-ordinaria ba traballdór ho konta proporiu, empreza ba individual no traballdór domestiku sira apoiu porsentu 85”,esplika.

Nia hatutan, orsamentu ne’ebé propoin ba apoiu hirak ne’e ho montante tokon USD 45.3 ba programa apoiu empregu. Apoiu empregu ne’e konta mós ho motorista sira ne’ebé tinan kotuk seidauk simu agora sira bele rejistu no sira bele hetan, maibé nafatin ho kritéria.

“Kritéria ba motorista mak tenke iha karta kondasaun públiku la’ós karta kondusaun pesoál no INSS mós sei fó biban ba motorista sira, ne’ebé karta autorizasaun mate iha períodu COVID mai leten sei tolera, maibé ba sira ne’ebé karta autorizasaun mate antes COVID, INSS sei la tolera no apoiu ne’e sei fó ba transporte públiku ne’ebé halo hela operasaun, maibé tanba COVID mak sira para”,haktuir.

Longuinhos realsa, kona-ba traballadór doméstika sira ne’ebé atu hetan subsídiu, kriteria mak, sira tenke mai rejista iha INSS hodi priense formuláriu nune’e tékniku sira bele esplika, tanba apoia ba traballadór domestika sira sei aplika grau komesa hosi 1 to’o 10, ne’ebé bo’ot liu mak dolar 300 no ki’ik liu mak dolar 15 no sira mak sei hili.Fel

Leave a Reply

Your email address will not be published. Required fields are marked *