Xanana tulun komunidade Tasi-Tolu asesa ona estrada

Atu fasilita komunidade iha Masin-Lidun, Tasi-Tolu halo movimentu ba-mai, líder karismátiku, Kay Rala Xanana Gusmão, tun direta hodi organiza juventude sira ateru estrada ne’ebé hetan estragu husi dezastre naturál ne’ebé akontese iha loron haat fulan abril, tinan ne’e, kauza husi siklone Seroja.

Iha fatin ne’e  katuas no ferik inklui labarik sira hot-hotu servisu hamutuk ho antigu líder rezisténsia, Xanana Gusmão lalin fatuk no rai hodi ateru dalan refere, nune’e komunidade sira iha Masin-Lidun hahú ona asesa ba estrada refere.

Komunidade sira ne’ebé hela iha fatin ne’e, agradese ba líder karismátiku ne’e,  tanba foti inisiativa hodi ateru dalan.

Eis Prezidente Repúblika, Xanana Gusmão foti inisiativa hodi ateru dalan iha masin-lidun,  tanba durante ne’e parte Governu seidauk foti medida ruma ba komunidade afetadu sira iha área refere.

“Avo (Xa) Nana mai servisu iha ne’e ami agrades tebes, dezde akontese inundasaun ne’e, Avo Nana mak tun mai haree ami, no to’o agora Governu ida seidauk mai haree ami”,dehan komunidade Masin-Lidun, Tasi-Tolu, Martina de Andrade ba GMN, Segunda (10/5/2021)

Nune’e mos, eis Primeiru Ministru, Xanana sosa modo hodi fahe ba komunidade sira iha Masin-Lidun. Nes

Leave a Reply

Your email address will not be published. Required fields are marked *