GMN TV Justica e Segurança Administradór Covalima husu prosesa membru GAM ba Tribunál

Administradór Covalima husu prosesa membru GAM ba Tribunál

1 views

Administradór Munisípiu Covalima, Francisco Andrade, hateten, membru Grupu Arte Marsiál (GAM) ne’ebé mak hakat liu fronteira, bainhira autoridade seguransa kaptura tenke detein durante oras 72 iha sela, atu submete ba primeiru interogatóriu iha tribunál.

Maske dadauk ne’e, iha nasaun Timor-Leste, Estadu aplika hela Estadu Emerjénsia, hodi hala’o prevensaun ba surtu COVID-19 no variante Delta, maibé joven sidadaun sira kontinua hakat fronteira ho ilegálmente hodi ba hasa’e sintu iha Indonézia.

Tamba ne’e, Administradór Munisípiu Covalima,  Francisco Andrade,  husu Komando PNTL Munisípiu Covalima no Unidade Patrullamentu atu hasa’e operasaun iha fronteira hodi kaptura  membru Grupu Arte Marsiál sira ne’e, hodi submete ba tribunál.

 “Ha’u kontaktu ona komandante PNTL Covalima permanente karik orgnizasaun  arte marsiál ne’ebé ilegalmente mak ba  hasa’e sintu iha Indonézia, kaer toman labele  fó balda, nia tenke prosesa ba iha Tribunál, tanba  ita-nia  joven balun oras ne’e ita iha Estadu Emerjénsia, maibé tanba sira-nia interese pesoál no grupu bo’ot liu, sira lakohi tuir regra ne’ebé ita fó”,esplika  Administradór Munisípiu Covalima, Francisco Andrade,  ba Jornal Nacional Diário, Sábadu (24/07/2021), hafoin observa auto estrada Suai.

Dadauk ne’e, Munisípiu Covalima sai ona husi Serka Sanitária, maibé kontinua nafatin iha Estadu Emerjénsia. Tanba  ne’e,  Administradór ne’e informa ona ba saúde Munisípiu Covalima atu bele halo prevensaun ba variante Delta, nune’e labele hada’et ba komunidade Covalima.avi


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker