Kínika Lanud Bairo-Pite durante ne’e sempre simu inan isin-rua mai konsulta, maibé klínika dadaun ne’e hasoru hela problema menus Livriñu atu pasa dadus inan-isin rua nian.
Diretór Kínika Lanud, Inacio dos Santos informa, tanba menus Livriñu dadus inan isin-rua, balun hakerek de’it iha livru, nune’e difikulta tebes parteira sira bainhira foti inan isin-rua sira nia sintómas.
“Livriñu durante tinan rua resin ona ita la hetan no inan isin-rua sira ne’ebé mak halo tratamentu iha Bairo-Pite, ita halo kopia de’it no dala ruma laiha ita haruka inan isin rua sira sosa de’it kadernu sira iha liur no parteira sira hakerek, tanba livrinho ne’ebé laiha dala ruma kontinua foto kopia no letra sira ne’e dala ruma la moos, entaun difikulta parteira sira atu foti sintomas inan isin rua sira ne’ebé iha, ” dehan Inacio dos Santos, Kuarta (04-08), iha nia knaar fatin Bairro-Pite Díli.
Alende menus livriñu ba inan isin rua kínika ne’e mós menus mákina teste ba inan isin rua hanesan Ultrasonography/USG no prepanel hodi teste ba inan isin rua.
“Ita iha prepanel teste ba inan isin rua dala ruma la sufisiente hanesan teste ba hepatitis B, teste ba HIV-SIDA nomós teste ba sífilis dala ruma menus” tenik nia.Lau
