Tribunál Distritál Díli (TDD), liu hosi desizaun ba prosesu primeiru interrogatóriu semana ne’e, aplika medida koasaun Aprezentasaun Periódika (AP) ba arguidu Agustino Caet, hodi aprezenta-an fulan ida, dala ida ba Ministériu Públiku (MP)
Advogadu privadu, Miguel Acácio Faria hatete, desizaun ne’e tuir intendimentu tribunál nia katak, iha indisiu arguidu publika informasaun importante balu, ne’ebé relasaun ho julgamentu kazu pedofilia uma mahon Topu Honis, iha Tribunál Distritál Oecusse.
Desizaun ne’e defeza aseita ho desizaun tribunál ne’e ba nia kliente.
“defeza konkorda, bainhira suspeitu konkorda, no sei laiha rekursu” informa Advogadu Privadu Miguel Acácio Fária, via telefone ba GMN, Domingu (22/08).
Ministeriu Públiku (MP) akuza arguidu, ho krime violasaun ba justisa nia segredu, iha artigu 291, no krime amesa iha artigu 157, previsu no punidu iha kódigu penál.
Arguidu Agustino Caet, Polísia Nasionál Servisu Investigasaun Krminál PNSIK, ejekuta mandadu husi MP, ho númeru NUC 0048/21 PGGCC, hodi halo buska no aprensaun ba arguidu iha Hotel Grantidão, RAEOA semana ne’e.Ags
