GMN TV Uncategorized CNRT nota Governante balu “kahur” interese ParPol iha kampaña vasinasaun

CNRT nota Governante balu “kahur” interese ParPol iha kampaña vasinasaun

52 views

Deputadu bankada CNRT, Gabriel Soares, nota membru Governu balu aproveita fasilidade Estadu nian, hodi halo fali kampaña Partidu Polítika (ParPol) ka Polítika Partidária nian, bainhira tun ba baze halo kampaña vasinasaun kontra COVID-19.

Deputadu ne’e hatete, nia parte nota asuntu ne’e, bainhira halo fiskalizasaun iha área ne’ebé besik mós governante sira halo kampaña vasinasaun.

“Ami-nia fiskalizasaun besik kedas ho membru Governu balun ne’ebé ba halo hela kampaña vasinasaun iha Ermera-Letefoho, afinál ba iha ne’ebá la halo kampaña vasinasaun, ba halo fali kampaña Estrada a’at, bee-moos laiha, atu aumenta subsídiu ba xefe suku sira, ne’e akontese iha Hatugau, kareta nadodon ba kuaze 12,” haktuir Deputadu opozisaun ne’e iha plenária Segunda (18/10).

Ho preokupasaun ne’e, Prezidente Parlamentu Nasionál (PPN), Aniceto Guterres, apela ba Deputadu sira, atu bele tuir briefing hosi Governu, bainhira organiza. Maibé nia parte sei la obriga Deputadu sira atu tun ba baze hodi halo kampaña vasinasaun.

“Ha’u laiha kompeténsia atu obriga sira tun ba halo kampaña vasinasaun, tanba informasaun téknika sira hanesan ne’e, so membru Governu mak bele, bainhira halo briefing ba deputadu sira mak orsida sira hatán dala ida,” dehan Aniceto.

Antes ne’e, Primeiru Ministru, Taur Matan Ruak, husu Deputadu sira iha Parlamentu Nasionál, atu akompaña membru Governu hodi tun ba baze, halo kampaña vasinasaun, nune’e bele konvense populasaun hodi simu vasina kontra COVID-19.Say


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker