Xefe Estadu Maior Jenerál F-FDTL, Tenente Jeneral Lere Anan Timur, hatete, Ministeriu Asuntu Kombatente Libertasaun Nasionál presiza kria lei kona-ba diretu ba funeral arma no mos diretu ba hakoi iha Metinaro.
“Problema ne’e mak agora kuaze ema mate loron-loron be ida telefone mai dehan katak lori forsa ba ne’eba, la kleur, eipa ida ne’e problema boot ba ha’u nu’udar sira nia komandante, tamba Konselu Veteranu Ministeriu Veteranu seidauk halo lei ida kona-ba se mak iha direitu funeral arma, buat sira ne’e hotu, se mak iha direitu ba hakoi iha Metinaro, buat sira ne’e seidauk iha ne’e mak kuandu ida mate telefone, ida mate dehan katak forsa tenke mai hakoi buat sira ne’e hotu, mas forsa ne’e ita kompriende nia servisu la’os atu hakoi mate nia servisu seluk mas pasiensia, ’ida ne’e presiza regra presiza lei ruma mak diak, laiha lei ne’e ulun moras hau mak sala hela deit, tenki lei para hau viola lei entaun hau mak sala agora laiha lei ne’e hau mak sala hela deit sira ne’e los hotu, ne’e mak hau husu para lei tenki iha, se lae kuandu lei laiha ha’u mak sala, tamba ha’u imi nia aman imi nia maun ha’u mak sala, sira ne’e uluk dalaruma ha’u komandu terus ba ha’u balun fó nia vida para hau moris mas tenki lei ruma para regula,”hateten Tenente Jeneral Lere Anan Timur, hafoin hasoru malu ho Prezidente Repúblika, Francisco Guterres Lú Olo, iha Palásiu Prezidensiál Bairo-Pite Díli, Kuarta (24/11).
Antes ne’e, Tenente Jeneral Lere Anan Timur, la autoriza ona membru F-FDTL sira, atu partisipa iha serimonia funebre ba veteranu sira iha Metinaro.Ben
