GMN TV Uncategorized Veteranu 50 sei simu kondekorasaun iha 28 Novembru

Veteranu 50 sei simu kondekorasaun iha 28 Novembru

65 views

Prezidente Repúblika (PR), Francisco Guterres Lú Olo, sei fó sai dekretu Prezidente Repúblika hodi kondekora veteranu na’in 50 iha ámbitu komemorasaun loron Proklamasaun Independénsia Unilateral (28 Novembru 1975) tinan ne’e ba dala 46, ne’ebé sei hala’o iha Munisípiu Baucau.

Informasaun ne’e relata husi Prezidente Komisaun Organizadora ba komemorasaun proklamasaun independénsia ba dala 46, atuál Ministru Administrasaun Estatal, Miguel Pereira de Carvalho, hafoin hasoru malu ho PR Lú Olo, Segunda (22/11), iha Palásiu Prezidensiál Nicolau Lobato, Bairo-Pité.

“Kondekorasaun sei hala’o fó ba 50 pesoas ba veteranu sira, portantu ita tenke haree didiak dekretu prezidensiál ne’ebé mak Sua Exelénsia Prezidente Repúblika sei hasai í ita bele haree ho klaru, sé mak sei kondekoradu,” dehan membru Prezidente Komisaun Organizadora ne’e.

Membru Governu ne’e atualiza mós ba PR, kona-ba preparasaun ba komemorasaun loron proklamasaun independénsia ba tinan ne’e nian, atinje ona porsentu 90.

Atividade ne’ebé hala’o durante komemora loron istóriku ne’e mak hanesan, desportu komunitária iha nasionál, loke feira ne’ebé mak organiza husi Ministériu Turizmu Komérsiu Indústria, no atividade seluk tan.

Tuir ajenda, iha loron 27 fulan Novembru, sei realiza uluk misa agradesimentu iha Igreja Baucau Vila, hafoin ne’e konvidadu no sarani sira sei ba tau ai-funan iha Jardim dos Herois Fatumaca.

Serimónia hasa’e bandeira, sei prezide hosi Xefe Estadu Francisco Guterres Lú Olo, no hatun bandeira sei hala’o iha tuku 4 loraik, ne’ebé sei prezide husi Prezidente Parlamentu Nasionál (PPN), Aniceto Guterres.

No osan ne’ebé Governu aloka hodi realiza atividade tomak komemorasaun proklamasaun independénsia ba dala 46 ne’e hamutuk rihun USD 400.Ben 


Banner

Foto

Notisia Ikus

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker